ശ്രീഹരിക്കോട്ട: ജി സാറ്റ് 6 എ ഇന്ന് വൈകുന്നേരം 4.56 ന് ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്ന് വിക്ഷേപിക്കും. ജി.എസ്...
ശ്രീഹരിക്കോട്ട: ജി സാറ്റ് 6 എ ഇന്ന് വൈകുന്നേരം 4.56 ന് ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്ന് വിക്ഷേപിക്കും. ജി.എസ്.എല്.വി എഫ് 08 ആണ് ഉപഗ്രഹത്തെ ഭ്രമണപഥത്തിലെത്തിക്കുന്നത്. ഇന്ത്യ തദ്ദേശീയമായി വികസിപ്പിച്ചെടുത്ത ക്രയോജനിക് സാങ്കേതികവിദ്യ ഇതിലൂടെ ഒരിക്കല് കൂടി പരീക്ഷിക്കപ്പെടുകയാണ്.
2015 ല് വിക്ഷേപിച്ച ജി സാറ്റ് സിക്സിന്റെ പ്രവര്ത്തനങ്ങള്ക്ക് കൂടുതല് ശക്തി നല്കാനാണ് ജി സാറ്റ് സിക്സ് എയിലൂടെ ഐ.സ്.ആര്.ഒ ശ്രമിക്കുന്നത്. എസ് ബാന്ഡ് ടെക്നോളജി ഉപയോഗപ്പെടുത്തി വാര്ത്താവിനിമയ സംവിധാനങ്ങള്ക്ക് കൂടുതല് കൃത്യതയും വേഗതയും നല്കാന് 6 എയ്ക്ക് സാധിക്കും. സാറ്റലൈറ്റ് ഫോണുകള്ക്കും 4 ജി സാങ്കേതികതയ്ക്കും ഏറെ സഹായകമാകുന്നതാണ് ജി സാറ്റ് 6 എ.
വിക്ഷേപിച്ച് 17 മിനിറ്റും 46.50 സെക്കന്റും കൊണ്ട് ജി.എസ്.എല്.വി എഫ് 08, ജി സാറ്റ് 6 എയെ ബഹിരാകാശത്ത് എത്തിക്കും. 270 കോടി രൂപയാണ് പദ്ധതിയുടെ ചെലവ്.
COMMENTS