ന്യൂഡല്ഹി: പാക്കിസ്ഥാന്, ചൈന ഒഴികയുള്ള രാജ്യങ്ങളില്നിന്ന് ഇന്ത്യയിലെത്തുന്ന വിദേശ വിനോദ സഞ്ചാരികള്ക്ക് യാത്രാ നിയന്ത്രണത്തില് ഇളവ്...
ന്യൂഡല്ഹി: പാക്കിസ്ഥാന്, ചൈന ഒഴികയുള്ള രാജ്യങ്ങളില്നിന്ന് ഇന്ത്യയിലെത്തുന്ന വിദേശ വിനോദ സഞ്ചാരികള്ക്ക് യാത്രാ നിയന്ത്രണത്തില് ഇളവ് വരുത്താന് കേന്ദ്രസര്ക്കാര് തീരുമാനിച്ചു. ഉത്തരാഖണ്ഡ്, രാജസ്ഥാന്, ജമ്മു കാശ്മീര്, അരുണാചല് പ്രദേശ്, സിക്കിം, ഹിമാചല് പ്രദേശിന്റെ ചില ഭാഗങ്ങള് എന്നിവിടങ്ങളില് യാത്ര ചെയ്യുന്നതിനുള്ള വിദേശ വിനോദ സഞ്ചാരികളുടെ നിയന്ത്രണമാണ് കേന്ദ്ര സര്ക്കാര് ഒഴിവാക്കുന്നത്. ഇതുവരെ ഈ മേഖലകള് സന്ദര്ശിക്കുന്നതിന് ആഭ്യന്തര വകുപ്പിന്റെ പ്രത്യേക അനുമതി ആവശ്യമായിരുന്നു. ഈ തീരുമാനം വഴി വിനോദ സഞ്ചാര മേഖലയുടെ വളര്ച്ചയാണ് സര്ക്കാര് ലക്ഷ്യമിടുന്നത്.
കഴിഞ്ഞ 50 വര്ഷമായി നിലനില്ക്കുന്ന നിയന്ത്രണമാണ് എടുത്തുകളയാന് സര്ക്കാര് ആലോചിക്കുന്നത്. ഇതിനായി വിദേശ സഞ്ചാരികളുടെ യാത്രാ നിയന്ത്രണവുമായി ബന്ധപ്പെട്ട് അതത് സംസ്ഥാനങ്ങളുമായി ചര്ച്ച ചെയ്ത് വരികയാണെന്ന് കേന്ദ്ര ആഭ്യന്തര വകുപ്പ് അറിയിച്ചു.
COMMENTS