ആര്‍.എസ്.എസ്-ബി.ജെ.പി നേതാക്കളുമായി മുഖ്യമന്ത്രിയുടെ ചര്‍ച്ച ഇന്ന്

തിരുവനന്തപുരം: സംസ്ഥാനത്ത് അക്രമസംഭവങ്ങള്‍ തുടര്‍ക്കഥയാകുന്നതിന്റെ പശ്ചാത്തലത്തില്‍ ആര്‍.എസ്.എസ്-ബിജെപി നേതാക്കളുമായി മുഖ്യമന്ത്രി പിണറായ...

തിരുവനന്തപുരം: സംസ്ഥാനത്ത് അക്രമസംഭവങ്ങള്‍ തുടര്‍ക്കഥയാകുന്നതിന്റെ പശ്ചാത്തലത്തില്‍ ആര്‍.എസ്.എസ്-ബിജെപി നേതാക്കളുമായി മുഖ്യമന്ത്രി പിണറായി വിജയന്‍ തിങ്കളാഴ്ച ചര്‍ച്ച നടത്തും. ഗവര്‍ണര്‍ പി. സദാശിവത്തിന്റെ നിര്‍ദ്ദേശപ്രകാരമാണ് ചര്‍ച്ച.

ചര്‍ച്ചയില്‍ ബിജെപി സംസ്ഥാന പ്രസിഡന്റ് കുമ്മനം രാജശേഖരന്‍, ഒ. രാജഗോപാല്‍ എംഎല്‍എ, ആര്‍എസ്എസ് നേതാവ് പി. ഗോപാലന്‍കുട്ടി എന്നിവര്‍ പങ്കെടുക്കും.

അതിനിടെ അസാധാരണ നടപടിയായി വിശദീകരണം ആവശ്യപ്പെട്ട് മുഖ്യമന്ത്രിയെയും ഡിജിപി ലോക്‌നാഥ് ബെഹ്‌റയെയും കഴിഞ്ഞ ദിവസം ഗവര്‍ണര്‍ രാജ്ഭവനിലേക്കു വിളിച്ചുവരുത്തി. ഇക്കാര്യം ഗവര്‍ണര്‍ ട്വിറ്ററിലൂടെ സ്ഥിരീകരിക്കുകയും ചെയ്തു.

Tags: Kerala, PinarayiVijayan, RSS, BJP, Politics, Governor