കൊച്ചി : ഹിണി ബി 2 എന്ന ചിത്രത്തില്‍ ബോഡി ഡ്യൂപ്പിനെ ഉപയോഗിച്ച് നടിയുടെ ശരീരഭാഗങ്ങളെന്നു തോന്നിക്കുന്ന വിധത്തില്‍ ചിത്രീകരണം നടത്തിയെന്...
കൊച്ചി : ഹിണി ബി 2 എന്ന ചിത്രത്തില്‍ ബോഡി ഡ്യൂപ്പിനെ ഉപയോഗിച്ച് നടിയുടെ ശരീരഭാഗങ്ങളെന്നു തോന്നിക്കുന്ന വിധത്തില്‍ ചിത്രീകരണം നടത്തിയെന്നു കണ്ടെത്തി.
ഇതോടെ, നടിയുടെ പരാതിയില്‍ സംവിധായകന്‍ ജീന്‍ പോള്‍ ലാല്‍ കുടുങ്ങുമെന്ന് ഉറപ്പായി.
ഒറ്റ സീനിന് 50000 രൂപ ചോദിച്ച നടി പിന്നീട് പത്തു ലക്ഷം രൂപ കിട്ടാന്‍ വേണ്ടിയാണ് പരാതി കൊടുത്തതെന്നും നിയമപരമായി പരാതി നേരിടുമെന്നുമായിരുന്നു ജീനിന്റെ പിതാവും ചിത്രത്തിന്റെ നിര്‍മാതാവുമായ ലാല്‍ പറഞ്ഞത്.
ഇതേസമയം, തന്റെ അനുമതി ഇല്ലാതെ തന്നെ ഡ്യൂപ്പിനെ വച്ച് തന്റേതെന്നു തോന്നിക്കുന്ന രീതിയില്‍ ശരീരഭാഗങ്ങള്‍ മോശമായി ചിത്രീകരിച്ചെന്നും ഇതിന്റെ പേരിലാണ് പരാതി കെടുത്തതെന്നുമായിരുന്നു നടി ആരോപിച്ചത്.
നടിയുടെ പരാതി ശരിയാണെന്നു തെളിയിക്കുന്നതാണ് ചിത്രത്തിന്റെ സെന്‍സര്‍ കോപ്പിയും ചിത്രീകരിച്ച ഭാഗങ്ങളും പരിശോധിച്ചപ്പോള്‍ വ്യക്തമായെന്നാണ് പൊലീസ് നല്കുന്ന സൂചന.
ഇതോടെ, ചിത്രത്തിന്റെ മേക്കപ് മാനെയും വിളിച്ചുവരുത്തി ചോദ്യം ചെയ്യാന്‍ പൊലീസ് തീരുമാനിച്ചു.
Keywords: Jean Paul Lal, Actress, Crime
COMMENTS