തിരുവനന്തപുരം: തലസ്ഥാന നഗരത്തെയൊന്നാകെ ക്ഷേത്രപ്പറമ്പാക്കിക്കൊണ്ട് ആറ്റുകാല് പൊങ്കാലയ്ക്ക് ഭക്തിനിര്ഭരമായ തുടക്കമായി. തന്ത്രി തെക...
തിരുവനന്തപുരം: തലസ്ഥാന നഗരത്തെയൊന്നാകെ ക്ഷേത്രപ്പറമ്പാക്കിക്കൊണ്ട് ആറ്റുകാല് പൊങ്കാലയ്ക്ക് ഭക്തിനിര്ഭരമായ തുടക്കമായി.
തന്ത്രി തെക്കേടത്ത് കുഴിക്കാട്ടില്ലത്ത് പരമേശ്വരന് വാസുദേവന് ഭട്ടതിരിപ്പാട് ശ്രീകോവിലില് നിന്നുള്ള ദീപം പകര്ന്ന് മേല്ശാന്തി വിഷ്ണു നമ്പൂതിരിക്കു കൈമാറി. അദ്ദേഹം വലിയതിടപ്പള്ളിയിലേക്കും തുടര്ന്ന് സഹമേല്ശാന്തി പണ്ടാരയടുപ്പിലേക്കും തീ പകരുകയായിരുന്നു. ഇതോടെ നഗരമാകെ പൊങ്കാലക്കലങ്ങളിലേക്ക് അഗ്നി പകര്ന്നു.
തലസ്ഥാന നഗരത്തിന്റെ വിദൂര കേന്ദ്രങ്ങളില് പോലും പൊങ്കാലയിടുന്നവരുടെ നിര നീളുകയാണ്. ഉച്ചയ്ക്ക് 2.15നാണ് നിവേദ്യം. 250 ല് പരം ശാന്തിമാരെ നിവേദ്യത്തിനായി വിവിധ കേന്ദ്രങ്ങളില് നിയോഗിച്ചിരിക്കുകയാണ്.
പൂര്ണമായും പഌസ്റ്റിക് ഒഴിവാക്കിക്കൊണ്ടുള്ള ക്രമീകരണങ്ങളാണ് പൊങ്കാലയ്ക്ക് ഒരുക്കിയിരിക്കുന്നത്. ഇതിനായി സര്ക്കാരും വിവിധ അസോസിയേഷനുകളും സംയുക്തമായി ശ്രമിക്കുകയാണ്.
Keywords: Attukal Pongala, Attukal Temple, Kerala
COMMENTS