Search

അബുദാബിയിലേക്ക് എയര്‍ ഇന്ത്യ എക്‌സ്പ്രസ് പറന്നുയര്‍ന്നു, കണ്ണൂര്‍ രാജ്യാന്തര വിമാനത്താവളം യാഥാര്‍ത്ഥ്യമായി, ഇന്ന് ഒമ്പത് സര്‍വീസുകള്‍

കണ്ണൂരില്‍ നിന്ന് അബുദാബിയിലേക്കുള്ള ആദ്യ വിമാനം യാത്രയ്ക്കു തയ്യാറെടുക്കുന്നു

കണ്ണൂര്‍ : അബുദാബിയിലേക്കുള്ള എയര്‍ ഇന്ത്യ എക്‌സ്പ്രസ് പറന്നുയര്‍ന്നതോടെ കേരളത്തിലെ നാലാമത്തെ രാജ്യാന്തര വിമാനത്താവളം കണ്ണൂരില്‍ യാഥാര്‍ത്ഥമായി.

കേന്ദ്ര വ്യോമയാന മന്ത്രി സുരേഷ് പ്രഭുവും മുഖ്യമന്ത്രി പിണറായി വിജയനും ഒരുമിച്ചു കൊടി വീശിയതിനു പിന്നാലെയാണ് വിമാനം പറന്നുയര്‍ന്നത്.



മട്ടന്നൂരില്‍ ചടങ്ങിനു സാക്ഷിയാകാന്‍ വന്‍ ജനാവലിയെത്തിയിരുന്നു. രാവിലെ 10 മണിക്കായിരുന്നു ആദ്യ വിമാനം പറന്നുയര്‍ന്നത്.

ഇന്ന് ആകെ ഒമ്പത് സര്‍വീസുകള്‍ ഇവിടേക്കുണ്ടാവും. ഇതില്‍ ആഭ്യന്തര സര്‍വീസുകളുമുണ്ട്. ആദ്യയാത്രക്കാരെ സ്വീകരിക്കാന്‍ മന്ത്രിമാരായ ഇപി ജയരാജന്‍, ഇ ചന്ദ്രശേഖരന്‍, കെകെ ശൈലജ, കടന്നപ്പള്ളി രാമചന്ദ്രന്‍ എന്നിവരും എത്തിയിരുന്നു.

കണ്ണൂരില്‍ നിന്ന് അബുദാബിയിലേക്കുള്ള ആദ്യ എയര്‍ ഇന്ത്യ എക്‌സ്പ്രസിന്റെ ക്രൂ

നേരത്തേ ഉമ്മന്‍ ചാണ്ടി സര്‍ക്കാരിന്റെ കാലത്ത് ഇവിടെ നാവിക സേനയുടെ വിമാനം ഇറക്കി സാങ്കേതികമായി ഉദ്ഘാനം നടത്തിയിരുന്നു. ഇപ്പോള്‍ വിപുലമായ ഉദ്ഘാനവും നടന്നിരിക്കുകയാണ്.


Keywords: Kannur International Airport, Mattannur, Suresh Prabhu, Pinarayi Vijayan, Air India Express



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “അബുദാബിയിലേക്ക് എയര്‍ ഇന്ത്യ എക്‌സ്പ്രസ് പറന്നുയര്‍ന്നു, കണ്ണൂര്‍ രാജ്യാന്തര വിമാനത്താവളം യാഥാര്‍ത്ഥ്യമായി, ഇന്ന് ഒമ്പത് സര്‍വീസുകള്‍