BREAKING NEWS
Search

റണ്‍മഴയില്‍ നനഞ്ഞുകുളിച്ച് ലങ്ക, ഇന്ത്യ ഉയര്‍ത്തിയ 405 റണ്‍സിന്റെ ലീഡിനു മുന്നില്‍ സ്‌കോര്‍ ബോര്‍ഡ് തുറക്കും മുന്‍പേ ആതിഥേയര്‍ക്ക് ആദ്യ വിക്കറ്റ് വീണു




നാഗ്പുര്‍: രണ്ടാം ക്രിക്കറ്റ് ടെസ്റ്റില്‍ ശ്രീലങ്കയെ ചുട്ടെരിച്ച് ഇന്ത്യന്‍ ബാറ്റ്‌സ്മാന്‍മാരുടെ പടയോട്ടം. ഇന്ത്യ 610 ന് 6 എന്ന നിലയില്‍ ഡിക്ലയര്‍ ചെയ്തു. 405 റണ്‍സിന്റെ കൂറ്റന്‍ ലീഡാണ് ഇന്ത്യ ഉയര്‍ത്തിയിരിക്കുന്നത്.

മറുപടിക്കിറങ്ങിയ ലങ്കയ്ക്ക് രണ്ടാം പന്തില്‍ തന്നെ ആദ്യ വിക്കറ്റ് പോവുകയും ചെയ്തു.

അഞ്ചാം ഇരട്ട സെഞ്ച്വറി നേടിയ ക്യാപ്ടന്‍ വിരാട് കോലിയുടെ നേതൃത്വത്തിലായിരുന്നു ഇന്ത്യന്‍ വേട്ട. രോഹിത് ശര്‍മ സെഞ്ചുറി നേടിയതോടെയാണ് ഇന്ത്യ ഇന്നിംഗ്‌സ് ഡികഌയര്‍ ചെയ്തത്.

ലങ്കന്‍ ഓപ്പണര്‍ സദീര സമരവിക്രമ ഇഷാന്ത് ശര്‍മയുടെ പന്തില്‍ പുറത്താവുമ്പോള്‍ ലങ്ക ഇന്നിംഗ്‌സ് തുറന്നിരുന്നില്ല. മൂന്നാം ദിവസം കളി അവസാനിക്കുമ്പോള്‍ ലങ്ക ഒരു വിക്കറ്റിന് 21 റണ്‍സ് എന്ന നിലയിലാണ്. ഡിമുത് കരുണരത്‌നയും (11) ലഹിരു തിരുമന്നെയുമാണ് (9) ക്രീസിലുള്ളത്.

വിരാട് കോലി (213), ചേതേശ്വര്‍ പുജാര (143), മുരളി വിജയ് (128), രോഹിത് ശര്‍മ (102*) എന്നിവരുടെ സെഞ്ചുറികളുടെ ബലത്തിലാണ് ഇന്ത്യ പടുകൂറ്റന്‍ സ്‌കോര്‍ ഉയര്‍ത്തിയത്.

ലങ്കന്‍ തോല്‍വി ഏതാണ്ട് ഉറപ്പാക്കിയാണ് ഇന്ത്യ അവരെ രണ്ടാം ഇന്നിംഗ്‌സിലേക്കു ക്ഷണിച്ചിരിക്കുന്നത്. ഇന്ത്യയെ മറികടക്കുക ലങ്കയ്ക്ക് എളുപ്പമല്ല. ഇനി മറികടന്നാലും ഇന്ത്യയ്ക്ക് ഒരു ഇന്നിംഗ്‌സ് കൂടി ബാക്കിയുണ്ട്. ആദ്യ ഇന്നിംഗ്‌സില്‍ ശ്രീലങ്ക 205ന് പുറത്തായിരുന്നു

ടെസ്റ്റ് ക്രിക്കറ്റിലെ അഞ്ചാം ഇരട്ട സെഞ്ചുറിയും ടെസ്റ്റ് കരിയറിലെ 19ാം സെഞ്ചുറിയുമാണ് കോലി കുറിച്ചത്.  അഞ്ചാം ഇരട്ട സെഞ്ചുറിയുമായിരുന്നു ഇത്.






vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ റണ്‍മഴയില്‍ നനഞ്ഞുകുളിച്ച് ലങ്ക, ഇന്ത്യ ഉയര്‍ത്തിയ 405 റണ്‍സിന്റെ ലീഡിനു മുന്നില്‍ സ്‌കോര്‍ ബോര്‍ഡ് തുറക്കും മുന്‍പേ ആതിഥേയര്‍ക്ക് ആദ്യ വിക്കറ്റ് വീണു