Search

ശബരിമലയിലെ സ്ത്രീ പ്രവേശം: ഡല്‍ഹിയില്‍ മന്ത്രി ജയരാജന്റെ കാര്‍ തടഞ്ഞു, സംഘര്‍ഷം



ന്യൂഡല്‍ഹി: ശബരിമല വിഷയത്തില്‍ ഡല്‍ഹി കേരള ഹൗസിനു മുന്നില്‍ മന്ത്രി ഇ പി ജയരാജന്റെ കാര്‍ സംഘ പരിവാര്‍ അംഗങ്ങള്‍ തടഞ്ഞു.

ഡല്‍ഹി പൊലീസ് നോക്കിനില്‍ക്കെയാണ് മന്ത്രിയുടെ കാര്‍ തടഞ്ഞത്. തടയാനെത്തിയവര്‍ കാറില്‍ അടിക്കുകയും മുന്നില്‍കിടക്കുകയും ചെയ്തു. ഇതോടെ പൊലീസ് ഇടപെട്ട് മന്ത്രിക്കു വഴിയൊരുക്കി.

സമാധാനപരമായ നാമജപയാത്രയാണ് കൈയേറ്റത്തിന്റെ വക്കിലെത്തിയത്. സിപിഎം കേന്ദ്ര കമ്മറ്റി യോഗം കഴിഞ്ഞ് വരികയായിരുന്നു ജയരാജന്‍.

യോഗത്തില്‍ പങ്കെടുക്കാനായി മുഖ്യമന്ത്രി പിണറായി വിജയനും മന്ത്രിമാരും ഡല്‍ഹിയിലുള്ളതിനാല്‍ കനത്ത സുരക്ഷ ഒരുക്കിയിരുന്നു.

പ്രധാനഗേറ്റില്‍ സംഘര്‍ഷം തുടര്‍ന്നതോടെ രണ്ടാം ഗേറ്റുവഴി മന്ത്രിയെ കേരള ഹൗസിലേക്ക് കടത്തി.

ശബരിമലയിലെ സ്ത്രീ പ്രവേശത്തിനെതിരേ, വൈകുന്നേരം നാലു മണിക്ക്  ഡല്‍ഹിയില്‍ ഹൈന്ദവ സംഘടനകളുടെ നേതൃത്വത്തില്‍ നാമജപയാത്ര സംഘടിപ്പിച്ചിരുന്നു. യാത്രയ്ക്കു ശേഷം കേരള നിയമമന്ത്രി എകെ ബാലനു നിവേദനം കൊടുക്കാനായിട്ടാണ് സംഘ പരിവാര്‍ നേതൃത്വത്തിലെ പ്രവര്‍ത്തകര്‍ കേരള ഹൗസിന് മുന്നിലെത്തിയത്.

 പ്രതിഷേധക്കാരെ അകത്തേക്ക് കടത്തിവിടാന്‍ പൊലീസ് തയ്യാറായില്ല. ഇതോടെ പൊലീസുകാരും പ്രതിഷേധക്കാരും തമ്മില്‍ വാക്കേറ്റമുണ്ടായി. ഈ സമയത്താണ് മന്ത്രി ജയരാജന്‍ കാറിലെത്തിയത്. ഉടന്‍ പ്രതിഷേധക്കാര്‍ ജയരാജന്റെ നേരേ തിരിയുകയായിരുന്നു.

ഇതിനു തൊട്ടു മുന്നിലായി എ വിജയരാഘവന്‍, കെ രാധാകൃഷ്ണന്‍ എന്നിവര്‍വന്ന വാഹനം കേരള ഹൗസിലേക്ക് കടക്കുകയും ചെയ്തു. പിന്നീട്, നിയമമന്ത്രി എ.കെ ബാലന് നിവേദനം സമര്‍പ്പിച്ച സംഘം, കേരള സര്‍ക്കാരില്‍ വിശ്വാസമുണ്ടെന്ന് മാധ്യമങ്ങളോട് പറയുകയും ചെയ്തു.

ജന്തര്‍ മന്ദറില്‍ നിന്ന് കേരള ഹൗസിലേക്കായിരുന്നു ജാഥ പ്രഖ്യാപിച്ചിരുന്നത്. ഇതിനു പൊലീസ് അനുമതി കൊടുത്തില്ല. തുടര്‍ന്ന് ജന്തര്‍മന്ദറില്‍ നാമജപം നടത്തി പിരിഞ്ഞവരില്‍ ഒരു സംഘമാണ് നിവേദനം കൊടുക്കാനായി വീണ്ടുമെത്തിയത്.





vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ ശബരിമലയിലെ സ്ത്രീ പ്രവേശം: ഡല്‍ഹിയില്‍ മന്ത്രി ജയരാജന്റെ കാര്‍ തടഞ്ഞു, സംഘര്‍ഷം