BREAKING NEWS
Search

ജനനേന്ദ്രിയം മുറിക്കല്‍: സ്വാമിക്ക് കോടതി ജാമ്യം നിഷേധിച്ചു, പെണ്‍കുട്ടിക്ക് നുണപരിശോധന ആലോചിക്കുന്നു

തിരുവനന്തപുരം: ജനനേന്ദ്രിയം മുറിക്കപ്പെട്ട് ജയിലിലായ സ്വാമി ഗംഗേശാനന്ദയ്ക്കു കോടതി ജാമ്യം നിഷേധിച്ചു. ഇതേസമയം, നുണപരിശോധനയ്ക്കു വിധേയയാവാന്‍ തയ്യാറാണോ എന്നു വാദിയായ പെണ്‍കുട്ടിയോടു കോടതി ചോദിക്കുകയും ചെയ്തു.

ജാമ്യം തേടി സ്വാമി സമര്‍പ്പിച്ച ഹര്‍ജി കോടതി തള്ളി. ജാമ്യം നല്‍കുന്നതിനെ ശക്തമായി പ്രോസിക്യൂഷന്‍ എതിര്‍ത്തു. അന്വേഷണം പുരോഗമിക്കവേ ജാമ്യം നല്‍കിയാല്‍ കേസിനെ ബാധിക്കുമെന്നും പൊലീസ് ചൂണ്ടിക്കാട്ടി.

പെണ്‍കുട്ടിയെ നുണപരിശോധനയ്ക്ക് വിധേയയാക്കണമെന്ന് പൊലീസ് അപേക്ഷ നല്കിയിരുന്നു. ഇതിന്‍മേലാണ് കോടതി നോട്ടീസ് ഉത്തരവായത്.

ഈ മാസം 26ന്  ഹാജരായി നുണപരിശോധനയ്ക്ക് വിധേയയാകുവാന്‍ കഴിയുമോ എന്ന് പറയണമെന്നാണ് തിരുവനന്തപുരം പോക്‌സോ കോടതി പറഞ്ഞിരിക്കുന്നത്.

തന്നെ പീഡിപ്പിക്കാന്‍ നോക്കുന്നതിനിടെ സ്വാമിയുടെ ജനനേന്ദ്രിയം താന്‍ മുറിക്കുകയായിരുന്നുവെന്നാണ് ആദ്യം പെണ്‍കുട്ടി മൊഴി നല്‍കിയത്.  പിന്നീട് പെണ്‍കുട്ടി മൊഴി മാറ്റി. കാമുകനാണ് ജനനേന്ദ്രിയം മുറിച്ചതെന്നായിരുന്നു രണ്ടാമത്തെ മൊഴി. സ്വാമി തന്നെ പീഡിപ്പിക്കാന്‍ ശ്രമിച്ചിട്ടില്ലെന്നും പെണ്‍കുട്ടി പറഞ്ഞു. തുടര്‍ന്നാണ് പെണ്‍കുട്ടിയെ നുണപരിശോധനയ്ക്ക് വിധേയയാക്കാന്‍ പൊലീസ് അപേക്ഷ നല്കിയത്.


Summary: Swamy Gangesananda's bail plea has been rejected by the court. The prosecution strongly opposed the bail. Police said the case will be affected if the bail is granted.

Tags: Swamy Gangesananda, bail plea, prosecution, Police








vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ജനനേന്ദ്രിയം മുറിക്കല്‍: സ്വാമിക്ക് കോടതി ജാമ്യം നിഷേധിച്ചു, പെണ്‍കുട്ടിക്ക് നുണപരിശോധന ആലോചിക്കുന്നു