വാഷിങ്ടണ്‍: ലോകത്തെ ആദ്യ കൊമേഴ്ഷ്യല്‍ സ്പേസ് വാക്ക് ആയ പൊളാരിസ് ഡോണ്‍ ദൗത്യം പൂര്‍ത്തിയാക്കി സംഘം സുരക്ഷിതമായി മടങ്ങിയെത്തി. ഫ്‌ലോറിഡ തീരത...
വാഷിങ്ടണ്‍: ലോകത്തെ ആദ്യ കൊമേഴ്ഷ്യല്‍ സ്പേസ് വാക്ക് ആയ പൊളാരിസ് ഡോണ്‍ ദൗത്യം പൂര്‍ത്തിയാക്കി സംഘം സുരക്ഷിതമായി മടങ്ങിയെത്തി.
ഫ്‌ലോറിഡ തീരത്ത് സംഘത്തെ വഹിച്ചുകൊണ്ട് പൊളാരിസ് ഡോണ്‍ ക്രൂ ക്യാപ്സൂള്‍ സുരക്ഷിതമായി കടലില്‍ ലാന്‍ഡ് ചെയ്തു അമേരിക്കന്‍ ശതകോടീശ്വരന്‍ ജാറെഡ് ഐസക്മാന്‍ അടക്കമുള്ള നാലംഗ സംഘമാണ് ദൗത്യത്തിനുണ്ടായിരുന്നത്. ലോകത്തെ ആദ്യ സ്വകാര്യ ബഹിരാകാശ നടത്തം വിജയകരമായി പൂര്‍ത്തിയാക്കി ചരിത്രമെഴുതിയാണ് സംഘത്തിന്റെ മടക്കം.
ജാറെഡ് ഐസക്മാനൊപ്പം മുന്‍ യുഎസ് വ്യോമസേന പൈലറ്റ് സ്‌കോട്ട് പൊട്ടീറ്റ്, സ്പേസ് എക്സിലെ എഞ്ചിനീയര്‍മാരായ സാറാ ഗില്ലിസ്, അന്ന മേനോന്‍ എന്നിവരായിരുന്നു മറ്റ് ദൗത്യ സംഘാം?ഗങ്ങള്‍. സ്പേസ് എക്സിലെ മെഡിക്കല്‍ വിദഗ്ധനും ഇന്ത്യന്‍ വംശജനുമായ ഡോ. അനില്‍ മേനോന്റെ ഭാര്യയാണ് അന്ന മേനോന്‍.
സെപ്റ്റംബര്‍ 10ന് സ്പേസ് എക്സിന്റെ പേടകത്തിലായിരുന്നു അഞ്ച് ദിവസത്തെ ബഹിരാകാശ ദൗത്യത്തിനായി സംഘം പുറപ്പെട്ടത്. ഭൂമിയില്‍ നിന്ന് 650 ല്‍ ഏറെ കിമീ അകലെയാണ് സ്പേസ് വാക്ക് നടത്തിയത്. നാസയുടെ അപ്പോളോ ദൗത്യത്തിന് ശേഷം മനുഷ്യര്‍ ഇതുവരെ എത്തിയിട്ടില്ലാത്ത മേഖലയിലായിരുന്നു സംഘത്തിന്റെ സപേസ് വാക്ക്. സ്പേസ് എക്‌സ് വികസിപ്പിച്ച ബഹിരാകാശ വസ്ത്രം ധരിച്ചുള്ള ആദ്യ ബഹിരാകാശ നടത്തം കൂടിയാണിത്.
COMMENTS