കൊച്ചി: ബലാത്സംഗ കേസില് എല്ദോസ് കുന്നപ്പിള്ളി എം എല് എയ്ക്കെതിരെ പൊലീസ് കുറ്റപത്രം സമര്പ്പിച്ചു. ബലാത്സംഗം, വധശ്രമം എന്നീ കുറ്റങ്ങളാണ് ച...
കൊച്ചി: ബലാത്സംഗ കേസില് എല്ദോസ് കുന്നപ്പിള്ളി എം എല് എയ്ക്കെതിരെ പൊലീസ് കുറ്റപത്രം സമര്പ്പിച്ചു. ബലാത്സംഗം, വധശ്രമം എന്നീ കുറ്റങ്ങളാണ് ചുമത്തിയിരിക്കുന്നത്.
2023 സെപ്തംബര് 28നാണ് എല്ദോസ് കുന്നപ്പിള്ളി ശാരീരികമായി ഉപദ്രവിച്ചെന്ന് കാട്ടി തിരുവനന്തപുരം പേട്ട സ്വദേശിയായ യുവതി പരാതി നല്കിയത്. മദ്യപിച്ച് വീട്ടിലെത്തി തന്നെ ശാരീരികമായി ഉപദ്രവിച്ചെന്നും പിന്നീട് കാറില് ബലമായി കയറ്റി കോവളത്തേക്ക് പോയി. പോകുംവഴി വീണ്ടും ഉപദ്രവിച്ചെന്നും യുവതി സിറ്റി പൊലീസ് കമ്മീഷണര്ക്ക് നല്കിയ പരാതിയില് പറഞ്ഞിരുന്നു. പരാതിക്കാരിയെ എല്ദോസ് കുന്നപ്പിള്ളി ഒന്നിലേറെ തവണ ബലാത്സംഗം ചെയ്തുവെന്നത് കുറ്റപത്രത്തിലും പറഞ്ഞിട്ടുണ്ട്.
എല്ദോസ് കുന്നപ്പിള്ളിയുടെ രണ്ട് സുഹൃത്തുക്കളും കേസില് പ്രതികളാണ്. അടിമലത്തുറയിലെ ഒരു റിസോര്ട്ടില് വച്ചാണ് ആദ്യം ബലാത്സംഗം ചെയ്തതെന്നും കുറ്റപത്രത്തില് പറഞ്ഞിട്ടുണ്ട്. 2022 ജൂലായ് നാലിനായിരുന്നു ഈ സംഭവം നടന്നത്. തൃക്കാക്കരയിലെ വീട്ടിലും കുന്നത്തുനാട്ടിലെ വീട്ടിലും വച്ച് ബലാത്സംഗം ചെയ്തു. കോവളത്ത് വച്ച് യുവതിയെ തള്ളിയിട്ട് കൊല്ലാന് ശ്രമിച്ചു. അഞ്ച് വര്ഷമായി പരിചയമുള്ള യുവതിയെയാണ് എല്ദോസ് കുന്നപ്പിള്ളി ബലാത്സംഗം ചെയ്തതെന്നും കുറ്റപത്രത്തില് പറഞ്ഞിട്ടുണ്ട്.
COMMENTS