ബംഗ്ലദേശ് പ്രസിഡന്റ് മുഹമ്മദ് ഷഹാബുദ്ദീൻ രാജിവെച്ചു; ഷെയ്ഖ് ഹസീനയുടെ മടങ്ങിവരവ് പ്രഖ്യാപനത്തിന് പിന്നാലെ അപ്രതീക്ഷിത നീക്കം

ധാക്ക: ബംഗ്ലദേശ് പ്രസിഡന്റ് മുഹമ്മദ് ഷഹാബുദ്ദീൻ തന്റെ പദവിയിൽ നിന്ന് അപ്രതീക്ഷിതമായി രാജിവെച്ചു. മുൻ പ്രധാനമന്ത്രി ഷെയ്ഖ് ഹസീന വരുന്ന ഡിസംബറ...

ധാക്ക: ബംഗ്ലദേശ് പ്രസിഡന്റ് മുഹമ്മദ് ഷഹാബുദ്ദീൻ തന്റെ പദവിയിൽ നിന്ന് അപ്രതീക്ഷിതമായി രാജിവെച്ചു. മുൻ പ്രധാനമന്ത്രി ഷെയ്ഖ് ഹസീന വരുന്ന ഡിസംബറിൽ രാജ്യത്തേക്ക് മടങ്ങിയെത്തുമെന്ന് പ്രഖ്യാപിച്ചതിന് തൊട്ടുപിന്നാലെയാണ് ബംഗ്ലദേശിൽ നാടകീയമായ രാഷ്ട്രീയ നീക്കങ്ങൾ ഉണ്ടായിരിക്കുന്നത്. 2026 ജൂലൈ 24-ന് അദ്ദേഹം പാർലമെന്റ് സ്പീക്കർക്ക് രാജിക്കത്ത് സമർപ്പിച്ചു.

ആരോഗ്യപ്രശ്നങ്ങളെന്ന് ഔദ്യോഗിക വിശദീകരണം; രാഷ്ട്രീയ സമ്മർദ്ദമെന്ന് സൂചനതനിക്ക് 'ഓട്ടോണമിക് ന്യൂറോപ്പതി' എന്ന കഠിനമായ രോഗാവസ്ഥയുണ്ടെന്നും, ഇതുമൂലം ഇടയ്ക്കിടെ ബോധക്ഷയം ഉണ്ടാകുന്നതിനാൽ ചുമതലകൾ കൃത്യമായി നിർവഹിക്കാൻ കഴിയില്ലെന്നുമാണ് അദ്ദേഹം ഔദ്യോഗിക രാജിക്കത്തിൽ ചൂണ്ടിക്കാണിച്ചിരിക്കുന്നത്.

എന്നാൽ ഈ രാജിക്ക് പിന്നിൽ കടുത്ത രാഷ്ട്രീയ സമ്മർദ്ദമുണ്ടെന്നാണ് പുറത്തുവരുന്ന സൂചനകൾ. ഇന്ത്യയിൽ അഭയം തേടിയിരിക്കുന്ന ഷെയ്ഖ് ഹസീനയുമായി മുഹമ്മദ് ഷഹാബുദ്ദീൻ ഫോണിൽ ബന്ധപ്പെടാൻ ശ്രമിച്ചെന്ന വാർത്തകൾ നിലവിലെ ഇടക്കാല സർക്കാരിന്റെ കടുത്ത അതൃപ്തിക്ക് കാരണമായിരുന്നു. 

ഹസീനയുടെ തിരിച്ചുവരവ് പ്രഖ്യാപനത്തോടെ ഭരണകൂടത്തിൽ നിന്നുള്ള സമ്മർദ്ദം ശക്തമായതാണ് പെട്ടെന്നുള്ള രാജിയിലേക്ക് നയിച്ചതെന്ന് രാഷ്ട്രീയ നിരീക്ഷകർ വിലയിരുത്തുന്നു.

താൽക്കാലിക പ്രസിഡന്റായി ഹാഫിസുദ്ദീൻ അഹമ്മദ്പ്രസിഡന്റ് പദവി ഒഴിഞ്ഞ സാഹചര്യത്തിൽ, ബംഗ്ലദേശ് ഭരണഘടനയനുസരിച്ച് പാർലമെന്റ് സ്പീക്കർ ഹാഫിസുദ്ദീൻ അഹമ്മദ് താൽക്കാലിക പ്രസിഡന്റായി ചുമതലയേൽക്കും. അടുത്ത 90 ദിവസത്തിനുള്ളിൽ പാർലമെന്റ് അംഗങ്ങൾ ചേർന്ന് പുതിയ പ്രസിഡന്റിനെ തിരഞ്ഞെടുക്കണമെന്നാണ് നിയമം.2023 ഏപ്രിലിലാണ് അവാമി ലീഗിന്റെ പിന്തുണയോടെ മുഹമ്മദ് ഷഹാബുദ്ദീൻ പ്രസിഡന്റായി എതിരില്ലാതെ തിരഞ്ഞെടുക്കപ്പെട്ടത്. 2024 ഓഗസ്റ്റിൽ നടന്ന ജനകീയ പ്രക്ഷോഭത്തെത്തുടർന്ന് ഷെയ്ഖ് ഹസീന രാജ്യം വിട്ടെങ്കിലും, ആ ഭരണകൂടത്തിന്റെ അവശേഷിപ്പായി ഉന്നത ഭരണഘടനാ പദവിയിൽ തുടർന്നിരുന്ന ഏക വ്യക്തിയായിരുന്നു ഷഹാബുദ്ദീൻ. 2028 ഏപ്രിൽ വരെ കാലാവധി ബാക്കിയുണ്ടാകവെയാണ് ഈ അപ്രതീക്ഷിത പടിയിറക്കം.

Key Words : Bangladesh President Mohammad Shahabuddin , Sheikh Hasina