തൃക്കരിപ്പൂരില്‍ കള്ളവോട്ട് ആരോപണം: സ്ഥാനാര്‍ത്ഥി സന്ദീപ് വാര്യരും എല്‍ഡിഎഫ് ഏജന്റുമാരും തമ്മില്‍ ബൂത്തില്‍ വാക്കുതര്‍ക്കം

Allegations of Fraudulent Voting in Trikaripur: Heated Altercation Between Sandeep Varier and LDF Agents Inside Booth

കാസര്‍ഗോഡ്: തൃക്കരിപ്പൂര്‍ മണ്ഡലത്തിലെ പുത്തിലോട്ട് 137-ാം നമ്പര്‍ ബൂത്തില്‍ യുഡിഎഫ് സ്ഥാനാര്‍ത്ഥി സന്ദീപ് വാര്യരുടെ സന്ദര്‍ശനത്തിനിടെ നാടകീയ രംഗങ്ങള്‍. വോട്ട് ചെയ്യാനെത്തിയ ആള്‍ക്കെതിരെ യുഡിഎഫ് ഏജന്റ് കള്ളവോട്ട് ആരോപണമുന്നയിച്ചതാണ് തര്‍ക്കങ്ങളുടെ തുടക്കം. വിവരമറിഞ്ഞ് സന്ദീപ് വാര്യര്‍ ബൂത്തിലെത്തിയതോടെ സ്ഥിതിഗതികള്‍ കൂടുതല്‍ വഷളാവുകയായിരുന്നു.

ബൂത്തില്‍ വോട്ട് ചെയ്യാനെത്തിയ ഒരാള്‍ക്കെതിരെ യുഡിഎഫ് ബൂത്ത് ഏജന്റുമാര്‍ ആക്ഷേപമുന്നയിക്കുകയായിരുന്നു. എന്നാല്‍, വോട്ട് ചെയ്യാനെത്തിയ വ്യക്തി ഇത് തന്റെ വോട്ട് തന്നെയാണെന്ന് ഉറപ്പിച്ചു പറഞ്ഞു. ഇതോടെ ബൂത്തിനുള്ളില്‍ ഏജന്റുമാര്‍ തമ്മില്‍ വാക്കേറ്റമുണ്ടായി. ഈ സമയത്താണ് സ്ഥാനാര്‍ത്ഥി സന്ദീപ് വാര്യര്‍ ബൂത്തിലേക്ക് എത്തിയത്.

കള്ളവോട്ട് ചോദ്യം ചെയ്ത യുഡിഎഫ് ഏജന്റുമാരെ എല്‍ഡിഎഫ് പ്രവര്‍ത്തകര്‍ കയ്യേറ്റം ചെയ്യാന്‍ ശ്രമിച്ചുവെന്ന് സന്ദീപ് വാര്യര്‍ ആരോപിച്ചു. ബൂത്തില്‍ ക്രമക്കേട് നടക്കുന്നുണ്ടെന്നും അത് തടയാനാണ് താന്‍ എത്തിയതെന്നും അദ്ദേഹം മാധ്യമങ്ങളോട് പറഞ്ഞു.

ബോധപൂര്‍വം പ്രശ്‌നമുണ്ടാക്കി വോട്ടെടുപ്പ് തടസ്സപ്പെടുത്താനാണ് സന്ദീപ് വാര്യര്‍ ശ്രമിക്കുന്നതെന്ന് എല്‍ഡിഎഫ് പ്രവര്‍ത്തകര്‍ ആരോപിച്ചു. സമാധാനപരമായി നടക്കുന്ന വോട്ടെടുപ്പ് അട്ടിമറിക്കാനുള്ള ശ്രമമാണ് സ്ഥാനാര്‍ത്ഥിയുടെ ഭാഗത്തുനിന്നുണ്ടായതെന്ന് പറഞ്ഞ് അവര്‍ ബൂത്തിന് പുറത്ത് പ്രതിഷേധിച്ചു.

തര്‍ക്കം രൂക്ഷമായതോടെ സ്ഥലത്തുണ്ടായിരുന്ന പോലീസുകാര്‍ ഇടപെട്ട് രംഗം ശാന്തമാക്കാന്‍ ശ്രമിച്ചു. എന്നാല്‍, പോലീസ് ആവശ്യപ്പെട്ടിട്ടും സ്ഥാനാര്‍ത്ഥി ബൂത്തില്‍ നിന്ന് മാറാന്‍ തയ്യാറാകാതിരുന്നത് നേരിയ സംഘര്‍ഷത്തിന് കാരണമായി. സ്ഥാനാര്‍ത്ഥിയുടെ അനാവശ്യ ഇടപെടല്‍ ബൂത്തിനകത്ത് വോട്ടര്‍മാര്‍ക്കിടയില്‍ പരിഭ്രാന്തി പരത്തിയതായും പരാതി ഉയര്‍ന്നിട്ടുണ്ട്.

സംഭവത്തെ തുടര്‍ന്ന് ബൂത്തിലും പരിസരത്തും കൂടുതല്‍ പോലീസിനെ വിന്യസിച്ചു. നിലവില്‍ ബൂത്തില്‍ വോട്ടെടുപ്പ് തുടരുന്നുണ്ടെങ്കിലും രാഷ്ട്രീയ പാര്‍ട്ടികള്‍ തമ്മിലുള്ള വാക്‌പോര് തുടരുകയാണ്. കള്ളവോട്ട് ആരോപണത്തില്‍ ഔദ്യോഗികമായ പരാതികള്‍ വരണാധികാരിക്ക് നല്‍കുമെന്ന് യുഡിഎഫ് വൃത്തങ്ങള്‍ അറിയിച്ചു.

Summary:  Dramatic scenes unfolded at Booth No. 137 in Puthilot, Trikaripur constituency, following a heated standoff between UDF candidate Sandeep Varier and LDF workers. The dispute, triggered by allegations of fraudulent voting (bogus voting), led to significant unrest and tense moments inside the polling station.

The tension began when UDF booth agents raised an objection against an individual who had come to cast their vote, alleging it was a fraudulent attempt. However, the voter maintained that it was indeed their own legitimate vote. This led to a sharp exchange of words between the agents, during which Sandeep Varier arrived at the booth.