ഈ യുദ്ധം അനാവശ്യം, ഇസ്രയേലിന്റെ സമ്മര്‍ദ്ദത്തിനു വഴങ്ങിയുള്ളത്, ട്രംപിന്റെ കൗണ്ടര്‍ ടെററിസം ചീഫ് ജോ കെന്റ് രാജിവച്ചു

Joe Kent has resigned as the Director of the National Counterterrorism Center (NCTC)

വാഷിംഗ്ടണ്‍: ഇറാനുമായുള്ള യുദ്ധത്തില്‍ പ്രതിഷേധിച്ച് യുഎസ് കൗണ്ടര്‍ ടെററിസം ചീഫ് ജോ കെന്റ് സ്ഥാനം രാജിവച്ചു. ഡൊണാള്‍ഡ് ട്രംപ് ഭരണകൂടത്തിലെ ഒരു ഉന്നത ഉദ്യോഗസ്ഥന്‍ ഇറാന്‍ യുദ്ധത്തിന്റെ പേരില്‍ രാജിവയ്ക്കുന്നത് ആദ്യമാണ്.

സിറിയയിലെ യുദ്ധത്തില്‍ കൊല്ലപ്പെട്ട നേവി ഓഫീസര്‍ ഷാനന്‍ കെന്റിന്റെ ഭര്‍ത്താവാണ്. തന്റെ വ്യക്തിപരമായ അനുഭവം മുന്‍നിര്‍ത്തിയാണ് അദ്ദേഹം യുദ്ധത്തിനെതിരെ രംഗത്തുവന്നത്.

ഇറാന്‍ അമേരിക്കയ്ക്ക് പെട്ടെന്നുള്ള ഭീഷണി ഉയര്‍ത്തുന്നില്ലെന്നും, അതിനാല്‍ ഈ യുദ്ധം അനാവശ്യമാണെന്നും ജോ കെന്റ് രാജിക്കത്തില്‍ വ്യക്തമാക്കി. ഇസ്രായേലിന്റെയും അവരുടെ അമേരിക്കന്‍ ലോബിയുടെയും സമ്മര്‍ദ്ദത്തിന് വഴങ്ങിയാണ് അമേരിക്ക ഈ യുദ്ധത്തിലേക്ക് നീങ്ങിയതെന്ന് അദ്ദേഹം തുറന്നടിച്ചു. ഇറാന്റെ കാര്യത്തില്‍ ട്രംപിനെ ചിലര്‍ തെറ്റായ വിവരങ്ങള്‍ നല്‍കി കബളിപ്പിച്ചതാണെന്നും, ഇറാഖ് യുദ്ധത്തിന് സമാനമായ സാഹചര്യമാണ് ഇവിടെയും സൃഷ്ടിക്കപ്പെട്ടിരിക്കുന്നതെന്നും അദ്ദേഹം പറഞ്ഞു.

നാഷണല്‍ കൗണ്ടര്‍ ടെററിസം സെന്റര്‍ ഭീകരവാദ ഭീഷണികള്‍ വിശകലനം ചെയ്യുന്ന പ്രധാന ഏജന്‍സിയാണ്. ഗ്രീന്‍ ബെറെറ്റ് മുന്‍ കമാന്‍ഡോയും സി.ഐ.എ ഉദ്യോഗസ്ഥനുമായിരുന്നു അദ്ദേഹം. 

ട്രംപിനുള്ള മുന്നറിയിപ്പ്

ട്രംപ് തന്റെ തീരുമാനം മാറ്റണമെന്നും അമേരിക്കയെ തകര്‍ച്ചയിലേക്കും അരാജകത്വത്തിലേക്കും നയിക്കരുതെന്നും അദ്ദേഹം ആവശ്യപ്പെട്ടു. അമേരിക്കന്‍ സൈനികരുടെ ജീവന്‍ ഇത്തരം അനാവശ്യ യുദ്ധങ്ങളില്‍ ബലികൊടുക്കരുതെന്നും അദ്ദേഹം കൂട്ടിച്ചേര്‍ത്തു.

പ്രസിഡന്റ് ട്രംപിന്റെ വിശ്വസ്തനായിരുന്ന കെന്റിന്റെ ഈ അപ്രതീക്ഷിത നീക്കം ഭരണകൂടത്തിന് വലിയ തിരിച്ചടിയായിരിക്കുകയാണ്. സോഷ്യല്‍ മീഡിയയില്‍ പങ്കുവെച്ച തന്റെ രാജി കത്തില്‍, ഇറാനുമായുള്ള നിലവിലെ സൈനിക നീക്കത്തോടുള്ള കടുത്ത എതിര്‍പ്പാണ് അദ്ദേഹം പ്രകടിപ്പിച്ചത്. 

ജോ കെന്റും ഭാര്യ ഷാനനും മക്കളുമൊത്ത്, ഒരു പഴയ ചിത്രം

ഇറാഖിലും സിറിയയിലുമായി 11 തവണ യുദ്ധമുഖത്ത് പ്രവര്‍ത്തിച്ച മുന്‍ ഗ്രീന്‍ ബെററ്റ് ഉദ്യോഗസ്ഥനാണ് കെന്റ്. 2019-ല്‍ സിറിയയില്‍ വച്ച് കൊല്ലപ്പെട്ട തന്റെ ഭാര്യ ഷാനന്‍ കെന്റിന്റെ ഓര്‍മ്മകള്‍ പങ്കുവെച്ച അദ്ദേഹം, അമേരിക്കന്‍ ജനതയ്ക്ക് ഗുണമില്ലാത്ത ഒരു യുദ്ധത്തിലേക്ക് ഇനിയൊരു തലമുറയെ വിട്ടുനല്‍കാന്‍ തന്റെ മനസാക്ഷി അനുവദിക്കുന്നില്ലെന്ന് വ്യക്തമാക്കി.

കെന്റിന്റെ രാജി വാഷിംഗ്ടണില്‍ വലിയ ചര്‍ച്ചകള്‍ക്ക് വഴിതുറന്നിട്ടുണ്ട്. ഹൗസ് സ്പീക്കര്‍ മൈക്ക് ജോണ്‍സണ്‍ കെന്റിന്റെ ആരോപണങ്ങള്‍ തള്ളിക്കളഞ്ഞു. എന്നാല്‍ ഡെമോക്രാറ്റിക് സെനറ്റര്‍ മാര്‍ക്ക് വാര്‍ണര്‍, ഇറാന്റെ ഭാഗത്തുനിന്ന് പെട്ടെന്നുള്ള ഭീഷണിയില്ലെന്ന കെന്റിന്റെ നിരീക്ഷണത്തോട് യോജിച്ചു.

വൈറ്റ് ഹൗസോ നാഷണല്‍ ഇന്റലിജന്‍സ് ഡയറക്ടര്‍ തുളസി ഗബ്ബാര്‍ഡോ ഇതുവരെ ഈ വിഷയത്തില്‍ ഔദ്യോഗികമായി പ്രതികരിച്ചിട്ടില്ല.

വാഷിംഗ്ടണ്‍ സംസ്ഥാനത്ത് നിന്നുള്ള റിപ്പബ്ലിക്കന്‍ രാഷ്ട്രീയ നേതാവായ ജോ കെന്റ്, 2025 ജൂലായിലാണ് യുഎസ് കൗണ്ടര്‍ ടെററിസം സെന്റര്‍ ഡയറക്ടറായി നിയമിതനായത്. 

Summary: In a major development today, March 17, 2026, Joe Kent has resigned as the Director of the National Counterterrorism Center (NCTC). The unexpected move by Kent, who was a high-ranking official and a staunch supporter of the Trump administration, is seen as a significant blow to the government.

In an open letter shared on social media, Kent expressed his fundamental opposition to the ongoing military conflict with Iran. His primary arguments included:

Kent claimed that Iran posed no immediate threat to the United States and argued that the military actions were based on flawed or deceptive intelligence.

He explicitly stated that the U.S. was pressured into this war by "Israel and its powerful American lobby," suggesting that the administration's policies had been compromised.

 A retired Green Beret with 11 combat deployments, Kent referenced the death of his first wife, Shannon Kent (killed in Syria in 2019). He stated he could not in good conscience send another generation to die in a war that "serves no benefit to the American people."