വൈകിട്ട് ആറിനുശേഷം എത്തുന്നവരെ കടത്തിവിടില്ല; മാളികപ്പുറത്ത് ഗുരുതി ഇന്ന്: ശബരിമല നട നാളെ അടയ്ക്കും

പത്തനംതിട്ട: ശബരിമല തീർഥാടനത്തി നു സമാപനം കുറിച്ച് ഇന്ന് മാളികപ്പുറത്ത് ഗുരുതി, നാളെ നട അടയ്ക്കും. വൈകിട്ട് ആറിനുശേഷം പമ്പയിലെത്തുന്നവരെ സന്...

പത്തനംതിട്ട: ശബരിമല തീർഥാടനത്തി നു സമാപനം കുറിച്ച് ഇന്ന് മാളികപ്പുറത്ത് ഗുരുതി, നാളെ നട അടയ്ക്കും.

വൈകിട്ട് ആറിനുശേഷം പമ്പയിലെത്തുന്നവരെ സന്നിധാനത്തേക്കു കടത്തിവിടില്ല. പന്തളം രാജ പ്രതിനിധി പുണർതം നാൾ നാരായണ വർമയുടെ സാന്നിധ്യ ത്തിലാണ് രാത്രി ഗുരുതി നടക്കുന്നത്. നാളെ രാജപ്രതിനിധിക്കു മാത്രമാണ് ദർശനം. പുലർച്ചെ 5.30 ന് രാജപ്രതിനിധി ദർശനത്തിനെത്തും. അതിനു മുൻപ് തിരുവാഭരണവുമായി പതിനെട്ടാംപടി ഇറങ്ങി പന്തളത്തേക്കുള്ള മടക്കയാത്ര തുടങ്ങും. 

രാജപ്രതിനിധിയുടെ ദർശനത്തിനു ശേഷം മേൽ ശാന്തി ഇ ഡി പ്രസാദ് നമ്പൂതിരി അയ്യപ്പനെ ഭസ്മാഭിഷേകം നടത്തി ഹരിവരാസനം ചൊല്ലി നട അടയ്ക്കും. തുടർന്നു ശ്രീകോവി ലിൻ്റെ താക്കോൽ കൈമാറ്റവും നടക്കും.

Key Words : Sabarimala, Guruthi , Malikappuram