Eleven Killed in Shooting During Jewish Religious Event in Australia; Police Declare it a Terrorist Attack
സിഡ്നി: ഓസ്ട്രേലിയയില് സിഡ്നിയിലെ ബോണ്ടി ബീച്ചില് ജൂതരുടെ മത ചടങ്ങിനിടെ രണ്ട് തോക്കുധാരികള് നടത്തിയ വെടിവയ്പ്പില് 11 പേര് കൊല്ലപ്പെട്ടു. അന്പതോളം വെടിയൊച്ചകള് കേട്ടതായി ദൃക്സാക്ഷികള് പറയുന്നു.
ഒരു തോക്കുധാരിയെ വധിച്ചതായും, പോലീസുകാര് ഉള്പ്പെടെ ഏകദേശം 11 പേര്ക്ക് പരിക്കേറ്റതായും പോലീസ് അറിയിച്ചു. ന്യൂ സൗത്ത് വെയില്സ് പോലീസ് കമ്മിഷണര് മാല് ലാന്യോണ് സംഭവം 'ഭീകരാക്രമണം' ആണെന്നു പറഞ്ഞു. രണ്ടാമത്തെ തോക്കുധാരി പൊലീസിന്റെ വെടിയേറ്റ് ഗുരുതരാവസ്ഥയിലാണ്.
ബോണ്ടിയിലെ സംഭവങ്ങള് 'ഞെട്ടിക്കുന്നതും ദുരിതകരവുമാ'ണെന്ന് ഓസ്ട്രേലിയന് പ്രധാനമന്ത്രി ആന്റണി ആല്ബനീസ് പറഞ്ഞു. 'പോലീസും അടിയന്തര സേവന പ്രവര്ത്തകരും ജീവന് രക്ഷിക്കാന് സ്ഥലത്ത് പ്രവര്ത്തിക്കുന്നു. എന്റെ ചിന്തകള് ദുരിതത്തിലായ എല്ലാവര്ക്കുമൊപ്പമുണ്ട്. ഞാന് എഎഫ്പി (ഓസ്ട്രേലിയന് ഫെഡറല് പോലീസ്) കമ്മിഷണറുമായും ന്യൂ സൗത്ത് വെയില്സ് പ്രീമിയറുമായും സംസാരിച്ചു. ഞങ്ങള് ന്യൂ സൗത്ത് വെയില്സ് പോലീസുമായി ചേര്ന്ന് പ്രവര്ത്തിക്കുന്നു. കൂടുതല് വിവരങ്ങള് സ്ഥിരീകരിക്കുന്ന മുറയ്ക്ക് അറിയിക്കും. പ്രദേശത്തുള്ളവര് ന്യൂ സൗത്ത് വെയില്സ് പോലീസിന്റെ നിര്ദ്ദേശങ്ങള് പാലിക്കണമെന്ന് അഭ്യര്ത്ഥിക്കുന്നു,' അദ്ദേഹം പ്രസ്താവനയില് പറഞ്ഞു.
കറുത്ത വേഷം ധരിച്ച രണ്ട് അക്രമികള് ജനക്കൂട്ടത്തിന് നേരെ വെടിയുതിര്ക്കുന്ന ദൃശ്യങ്ങള് പുറത്തുവന്നിട്ടുണ്ട്. എട്ട് ദിവസം നീണ്ടുനില്ക്കുന്ന ജൂത ആഘോഷമായ ഹനുക്കയുടെ ആദ്യ രാത്രിയിലാണ് വെടിവയ്പ്പ് നടന്നത്. ജൂത ഉത്സവം ആരംഭിക്കുന്നത് അടയാളപ്പെടുത്താന് നൂറുകണക്കിന് ആളുകള് ബീച്ചില് ഒത്തുകൂടിയ ഒരു കടല്ത്തീര പരിപാടിയില് വെച്ച് ഓസ്ട്രേലിയന് സമയം വൈകിട്ട് 6.30 ന് ശേഷമാണ് തോക്കുധാരികള് വെടിയുതിര്ത്തതെന്ന് 'ദി സിഡ്നി മോണിംഗ് ഹെറാള്ഡ്' റിപ്പോര്ട്ട് ചെയ്തു.
അക്രമികള് കുട്ടികളെയും പ്രായമായവരെയും വിവേചനമില്ലാതെ ലക്ഷ്യമിട്ടെന്ന് പരിപാടിയില് പങ്കെടുത്ത ഒരാള് 'ദി ഹെറാള്ഡി'നോട് പറഞ്ഞു. ചിലര് മറ്റുള്ളവര്ക്ക് സി.പി.ആര് നല്കുന്ന ദൃശ്യങ്ങളും പുറത്തുവന്നിട്ടുണ്ട്.
'ഓസ്ട്രേലിയന് സമൂഹത്തിന്റെ ഹൃദയഭാഗമായ, നമുക്കെല്ലാവര്ക്കും വളരെ പരിചിതവും പ്രിയപ്പെട്ടതുമായ ബോണ്ടിയില് വിദ്വേഷത്തിന്റെ അക്രമം സംഭവിച്ച ഈ നിമിഷത്തില്' ഓസ്ട്രേലിയക്കാര് അഗാധമായ ദുഃഖത്തിലാണെന്ന് പ്രതിപക്ഷ നേതാവ് സസ്സന് ലീ പറഞ്ഞു. 'ഈ ആക്രമണത്തിലെ ജീവാപഹാരം വളരെ വലുതാണ്. പോലീസില് നിന്നും ബന്ധപ്പെട്ട അധികാരികളില് നിന്നുമുള്ള ഔദ്യോഗിക ഉപദേശങ്ങള് പാലിക്കാന് എല്ലാ ഓസ്ട്രേലിയക്കാരോടും അഭ്യര്ത്ഥിക്കുന്നതില് ഞാന് പ്രധാനമന്ത്രിക്കൊപ്പം ചേരുന്നു. നമ്മുടെ ജൂത സമൂഹം 'ഹനുക്ക ബൈ ദി സീ' ആഘോഷത്തിനായി ഒത്തുചേര്ന്നപ്പോഴാണ് ഈ ആക്രമണം നടന്നത്. സമാധാനത്തിന്റെയും ഭാവിയെക്കുറിച്ചുള്ള പ്രതീക്ഷയുടെയും ആഘോഷത്തെ വിദ്വേഷം തകര്ത്തു.'
'ഈ അഗാധമായ ദുരന്തത്തിന്റെയും ഞെട്ടലിന്റെയും നിമിഷത്തില് വിദ്വേഷത്തിനെതിരെ ഓസ്ട്രേലിയക്കാര് എന്ന നിലയില് നമ്മള് ഒന്നിച്ചുനില്ക്കണം,' സസ്സന് ലീ കൂട്ടിച്ചേര്ത്തു.
ജൂത സംഘടനയുടെ വിമര്ശനം
ഓസ്ട്രേലിയന് ജൂത അസോസിയേഷന് വെടിവെപ്പിന്റെ പേരില് ആല്ബനീസ് സര്ക്കാരിനെ രൂക്ഷമായി വിമര്ശിക്കുകയും രാജ്യത്തെ ജൂതന്മാര് തങ്ങളുടെ ഭാവിയെക്കുറിച്ച് ആശങ്കാകുലരാണെന്ന് പറയുകയും ചെയ്തു. 'ഇന്ന് രാത്രി സംഭവിച്ചത് ഒരു ദുരന്തമാണ്, പക്ഷേ ഇത് പൂര്ണ്ണമായും മുന്കൂട്ടി കാണാന് കഴിയുന്നതായിരുന്നു. ആല്ബനീസ് സര്ക്കാരിന് പലതവണ മുന്നറിയിപ്പ് നല്കിയിട്ടും, ജൂത സമൂഹത്തെ സംരക്ഷിക്കാന് വേണ്ടത്ര നടപടി സ്വീകരിക്കുന്നതില് അവര് പരാജയപ്പെട്ടു. ഇന്ന് രാത്രി, പല ജൂതന്മാരും ഓസ്ട്രേലിയയില് തങ്ങള്ക്ക് ഒരു ഭാവിയുണ്ടോ എന്ന് ആലോചിക്കുകയാണ്. ഞങ്ങളുടെ ചിന്തകള് സമൂഹത്തോടും ദുരിതത്തിലായ എല്ലാവരോടുമൊപ്പമുണ്ട്,' അസോസിയേഷന് പറഞ്ഞു.
പ്രധാനമന്ത്രിയുടെ പോസ്റ്റില് ഇത് ഒരു ജൂത പരിപാടിയായിരുന്നു എന്ന് പരാമര്ശിക്കാത്തതിനും അസോസിയേഷന് വിമര്ശിച്ചു. 'അതൊരു ജൂത പരിപാടിയായിരുന്നു എന്ന് പോലും പരാമര്ശിക്കുന്നില്ല. എത്ര ലജ്ജാകരമായ അനാദരം! ജൂത സമൂഹത്തെയാണ് ലക്ഷ്യമിട്ടതെന്നും ജൂതന്മാരെയാണ് വെടിവെച്ചതെന്നും പ്രധാനമന്ത്രി ആല്ബനീസ് പരാമര്ശിക്കുന്നത് ഒഴിവാക്കുന്നു,' അവര് ആരോപിച്ചു.
Summary: Eleven people have been killed after two gunmen opened fire during a Jewish religious ceremony at Bondi Beach in Sydney, Australia. Witnesses reported hearing around fifty shots.
Police confirmed that one of the gunmen was killed, and approximately 11 people, including police officers, were injured. New South Wales Police Commissioner Mal Lanyon declared the incident a "terrorist attack." The second gunman is in critical condition after being shot by police.
Australian Prime Minister Anthony Albanese said the scenes in Bondi are "shocking and distressing." "Police and emergency responders are on the ground working to save lives. My thoughts are with every person affected. I have just spoken to the AFP (Australian Federal Police) Commissioner and with the NSW Premier. We are working with the NSW Police and will provide further updates as more information is confirmed. I urge people in the vicinity to follow information from the NSW Police," he said in a statement.
COMMENTS