ഇടുക്കി: മൂന്നാറില് മുംബൈ സ്വദേശിനിയെ ടാക്സി ഡ്രൈവര്മാര് ഭീഷണിപ്പെടുത്തിയ സംഭവത്തില് രണ്ടു പൊലീസ് ഉദ്യോഗസ്ഥരെ സസ്പെന്ഡ് ചെയ്തു. മൂന്നാ...
ഇടുക്കി: മൂന്നാറില് മുംബൈ സ്വദേശിനിയെ ടാക്സി ഡ്രൈവര്മാര് ഭീഷണിപ്പെടുത്തിയ സംഭവത്തില് രണ്ടു പൊലീസ് ഉദ്യോഗസ്ഥരെ സസ്പെന്ഡ് ചെയ്തു. മൂന്നാര് പൊലീസ് സ്റ്റേഷനിലെ എ എസ് ഐ സാജു പൗലോസ്, ഗ്രേഡ് എസ് ഐ ജോര്ജ് കുര്യന് എന്നിവര്ക്കെതിരെയാണ് നടപടി. കൃത്യവിലോപം കണ്ടെത്തിയതിനെ തുടര്ന്നാണ് ജില്ലാ പൊലീസ് മേധാവി നടപടിയെടുത്തത്. സ്ഥലത്തെത്തിയ പൊലീസും ടാക്സി ഡ്രൈവര്മാര്ക്ക് അനുകൂല നിലപാടെടുത്തെന്നും യുവതിയുടെ വീഡിയോയില് പറഞ്ഞിരുന്നു. ഊബര് ടാക്സി വിളിച്ച് യാത്ര ചെയ്യാന് ശ്രമിച്ചപ്പോള് മൂന്നാറിലെ ഡ്രൈവര്മാര് തടഞ്ഞുവച്ച് ഭീഷണിപ്പെടുത്തിയെന്ന വിവരം സാമൂഹ്യ മാധ്യമ അക്കൗണ്ടിലൂടെയാണ് യുവതി വെളിപ്പെടുത്തിയത്.
സംഭവം വളരെ ദൗര്ഭാഗ്യകരമാണെന്ന് പൊതുമരാമത്ത് ടൂറിസം വകുപ്പ് മന്ത്രി പിഎ മുഹമ്മദ് റിയാസ് പറഞ്ഞു. വലിയ പ്രതീക്ഷയോടെയാണ് അവര് മുബൈയില് നിന്ന് കേരളത്തിലെത്തിയത്. ഇന്ത്യയില് ഏറ്റവും സുരക്ഷിതമായ ടൂറിസം കേന്ദ്രമാണ് കേരളം. മൂന്നാറില് നടന്നത് നെഗറ്റീവ് സംഭവമാണെന്നും അദ്ദേഹം പറഞ്ഞു.
Key Words: Munnar, Mumbai Tourist
COMMENTS