തിരുവനന്തപുരം : പെണ്കുട്ടിയെ ട്രെയിനില് നിന്ന് തള്ളിയിട്ട സംഭവത്തില് പ്രതിക്കെതിരെ വധശ്രമത്തിന് കേസെടുത്തു. റെയില്വേ പൊലീസാണ് പ്രതി സുര...
തിരുവനന്തപുരം : പെണ്കുട്ടിയെ ട്രെയിനില് നിന്ന് തള്ളിയിട്ട സംഭവത്തില് പ്രതിക്കെതിരെ വധശ്രമത്തിന് കേസെടുത്തു. റെയില്വേ പൊലീസാണ് പ്രതി സുരേഷ് കുമാറിനെതിരെ കേസെടുത്തത്. റെയില്വേ ആക്ട് പ്രകാരമുള്ള വകുപ്പുകളും ഇയാള്ക്കെതിരെ ചുമത്തും. ഉച്ചയോടെ പ്രതിയെ കോടതിയില് ഹാജരാക്കും. പെണ്കുട്ടിയെ ദേഷ്യത്തില് ചവിട്ടിയതാണെന്നാണ് പ്രതിയുടെ മൊഴി.
വാതിലിനടുത്ത് നിന്ന് മാറാത്തതാണ് പ്രകോപന കാരണമെന്നും മാറാന് ആവശ്യപ്പെട്ടിട്ടും പെണ്കുട്ടി മാറിയില്ലെന്നും പ്രതി മൊഴി നല്കി. മദ്യലഹരിയിലാണ് ചവിട്ടിയതെന്നും പെണ്കുട്ടികളെ മുന്പരിചയമില്ലെന്നും സുരേഷ് കുമാര് പൊലീസിനോട് പറഞ്ഞു. പ്രതിയുടെ മുന്കാല ക്രിമിനല് പശ്ചാത്തലം പരിശോധിക്കുകയാണ് പൊലീസ്. തിരിച്ചറിയല് പരേഡും വൈദ്യപരിശോധനയും ഉടന് നടക്കും.
പ്രതിയുടെ കുടുംബത്തെ കണ്ടെത്താനുള്ള ശ്രമവും പൊലീസ് ഊര്ജിതമാക്കിയിട്ടുണ്ട്. സംഭവത്തിന് ശേഷം പിടികൂടിയ ശേഷവും ഇയാള് രക്ഷപ്പെടാന് ശ്രമിച്ചതായി പൊലീസ് അറിയിച്ചു. ഇയാള് മദ്യലഹരിയിലായിരുന്നുവെന്ന് പൊലീസും സ്ഥിരീകരിച്ചിട്ടുണ്ട്.
Key Words: Train, Accident
COMMENTS