കല്ലടിക്കോട് അയല്‍വാസികളായ യുവാക്കള്‍ വെടിയേറ്റ് മരിച്ച നിലയില്‍, കൊലപാതകത്തിന് ശേഷം ആത്മഹത്യയെന്ന് പ്രാഥമിക നിഗമനം

Two youths were found shot dead in Kalladikode Muneekkar area. The deceased have been identified as Binu (45), a native of Muneekkar Maruthumkadu

പാലക്കാട്:  കല്ലടിക്കോട് മൂന്നേക്കറില്‍ രണ്ട് യുവാക്കളെ വെടിയേറ്റ് മരിച്ച നിലയില്‍ കണ്ടെത്തി. മൂന്നേക്കര്‍ മരുതുംകാട് സ്വദേശികളായ ബിനു (45), അയല്‍വാസി നിതിന്‍ (25) എന്നിവരാണ് മരിച്ചത്.

ഇന്ന് വൈകിട്ട് മൂന്ന് മണിയോടെയാണ് നാടിനെ നടുക്കിയ സംഭവമുണ്ടായത്. ബിനുവിനെ മരുതുംകാട് സര്‍ക്കാര്‍ സ്‌കൂളിന് സമീപത്തെ റോഡിലാണ് മരിച്ച നിലയില്‍ കണ്ടെത്തിയത്. ബിനുവിന്റെ മൃതദേഹം കണ്ടെത്തിയതിന് സമീപത്തുള്ള വീട്ടിലാണ് നിതിനെ മരിച്ച നിലയില്‍ കണ്ടെത്തിയത്. ഇരുവരുടെയും മൃതദേഹങ്ങള്‍ക്കരികില്‍ നിന്ന് നാടന്‍ തോക്കുകള്‍ കണ്ടെടുത്തിട്ടുണ്ട്.

നിതിനെ വെടിവച്ച് കൊലപ്പെടുത്തിയ ശേഷം ബിനു സ്വയം വെടിവച്ച് മരിച്ചതാകാമെന്നാണ് പൊലീസിന്റെ നിഗമനം. ബിനു റബ്ബര്‍ ടാപ്പിംഗ് തൊഴിലാളിയാണ്. നിതിന്‍ ഓട്ടോ ഡ്രൈവറാണ്. ഇരുവരും അയല്‍വാസികളും സുഹൃത്തുക്കളുമായിരുന്നു എന്നും, ഇവര്‍ തമ്മില്‍ മുന്‍വൈരാഗ്യം ഉണ്ടായിരുന്നതായി അറിയില്ലെന്നും സമീപവാസികള്‍ പോലീസിനോട് പറഞ്ഞു.

നിതിന്റെ മൃതദേഹത്തില്‍ പിന്നിലും ബിനുവിന് മുന്‍ഭാഗത്തുമാണ് വെടിയേറ്റത്. ഇതാണ് നിതിനെ കൊന്ന ശേഷം ബിനു ആത്മഹത്യ ചെയ്തതാകമെന്ന നിഗമനത്തിലെത്താന്‍ കാരണമെന്നു പാലക്കാട് എസ്പി അജിത് കുമാര്‍ പറഞ്ഞു.

സംഭവസമയത്ത് വെടിയൊച്ച കേട്ടില്ല എന്നത് ദുരൂഹത വര്‍ദ്ധിപ്പിക്കുന്നുണ്ട്. കല്ലടിക്കോട് പോലീസ് സ്ഥലത്തെത്തി വിശദമായ പരിശോധന ആരംഭിച്ചു. ജില്ലാ പോലീസ് മേധാവിയും സംഭവസ്ഥലത്തെത്തി. മൃതദേഹങ്ങള്‍ പോസ്റ്റ്മോര്‍ട്ടത്തിനായി മാറ്റി. പോലീസ് അന്വേഷണം ഊര്‍ജിതമാക്കിയിട്ടുണ്ട്.

Summary: Two youths were found shot dead in Kalladikode Muneekkar area. The deceased have been identified as Binu (45), a native of Muneekkar Maruthumkadu, and his neighbour Nithin (25). The shocking incident was reported today (Tuesday, October 14, 2025) around 3:00 PM.Binu was found dead on the road near the Maruthumkadu Government School. Nithin was found dead inside a house located near the spot where Binu's body was discovered. Country-made guns  were recovered from near both bodies.

Police suspect that Binu might have shot Nithin and then committed suicide by shooting himself.Binu was a rubber tapping worker. Nithin worked as an auto driver. Local residents informed the police that the two were neighbours and friends, and they were unaware of any prior animosity between them.

The fact that no one heard any gunshots at the time of the incident adds to the mystery. The Kalladikode Police immediately reached the scene and started a detailed investigation. The District Police Chief also visited the location. The bodies have been sent for post-mortem examination, and the police have intensified the investigation.