റോഷന് മാത്യു, സെറിന് ഷിഹാബ് എന്നിവരെ പ്രധാന കഥാപാത്രങ്ങളാക്കി പ്രശാന്ത് വിജയ് സംവിധാനം ചെയ്ത 'ഇത്തിരി നേരം' എന്ന ചിത്രത്തിലെ ഗാനം ...
റോഷന് മാത്യു, സെറിന് ഷിഹാബ് എന്നിവരെ പ്രധാന കഥാപാത്രങ്ങളാക്കി പ്രശാന്ത് വിജയ് സംവിധാനം ചെയ്ത 'ഇത്തിരി നേരം' എന്ന ചിത്രത്തിലെ ഗാനം പുറത്തെത്തി. നീയൊരിക്കല് എന്ന് ആരംഭിക്കുന്ന ഗാനത്തിന് വരികള് എഴുതിയിരിക്കുന്നതും സംഗീതം പകര്ന്നിരിക്കുന്നതും ബേസില് സി ജെ ആണ്. വിശ്വജിത്തും സിതാര കൃഷ്ണകുമാറും ചേര്ന്നാണ് ആലപിച്ചിരിക്കുന്നത്.
പ്രണയത്തിന് പ്രാധാന്യം നല്കുന്ന ചിത്രം ജിയോ ബേബിയാണ് അവതരിപ്പിക്കുന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നത് വിശാഖ് ശക്തിയാണ്. നന്ദു, ആനന്ദ് മന്മഥന്, ജിയോ ബേബി, കണ്ണന് നായര്, കൃഷ്ണന് ബാലകൃഷ്ണന്, അതുല്യ ശ്രീനി, സരിത നായര്, ഷൈനു. ആര്. എസ്, അമല് കൃഷ്ണ, അഖിലേഷ് ജി കെ, ശ്രീനേഷ് പൈ, ഷെരീഫ് തമ്പാനൂര്, മൈത്രേയന് തുടങ്ങിയവരാണ് മറ്റ് താരങ്ങള്.
മാന്കൈന്ഡ് സിനിമാസ്, ഐന്സ്റ്റീന് മീഡിയ, സിമ്മെട്രി സിനിമാസ് എന്നീ ബാനറുകളില് ജോമോന് ജേക്കബ്, ഡിജോ അഗസ്റ്റിന്, ഐന്സ്റ്റീന് സാക്ക് പോള്, സജിന് എസ്. രാജ്, വിഷ്ണു രാജന് എന്നിവര് ചേര്ന്നാണ് ചിത്രം നിര്മ്മിക്കുന്നത്.
Key Words: Youtube, New Movie Song, Ithiri neram Movie
COMMENTS