തിരുവനന്തപുരം: സംസ്ഥാനത്ത് അടുത്ത ഏഴ് ദിവസത്തേക്ക് മഴയ്ക്ക് ശക്തി കൂടുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. എറണാകുളം ജില്ലയി...
തിരുവനന്തപുരം: സംസ്ഥാനത്ത് അടുത്ത ഏഴ് ദിവസത്തേക്ക് മഴയ്ക്ക് ശക്തി കൂടുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി.
എറണാകുളം ജില്ലയിലെ ഇന്നത്തെ ഓറഞ്ച് അലർട്ട് പിൻവലിച്ചെങ്കിലും 10 ജില്ലകളിൽ യെല്ലോ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, കോട്ടയം, ഇടുക്കി, തൃശൂർ, മലപ്പുറം, കോഴിക്കോട് ജില്ലകളിലാണ് ഇന്ന് മുന്നറിയിപ്പ്. നാളെ പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും യെല്ലോ അലർട്ട് തുടരും. നദീതീരവാസികളും താഴ്ന്ന പ്രദേശങ്ങളിലുള്ളവരും ജാഗ്രത പാലിക്കണമെന്ന് അധികൃതർ ആവശ്യപ്പെട്ടു. മഴയെത്തുടർന്ന് ഉരുൾപൊട്ടലിനും മണ്ണിടിച്ചിലിനും സാധ്യതയുണ്ട്.
അറബിക്കടലിൽ തീവ്ര ന്യൂനമർദ്ദ സാധ്യതയുണ്ടെന്നും നാളെയോടെ ലക്ഷദ്വീപിന് മുകളിലായി ന്യൂനമർദ്ദമായി മാറി ശക്തി പ്രാപിക്കുമെന്നുമാണ് വിലയിരുത്തൽ. തുടർന്നുള്ള 48 മണിക്കൂറിനുള്ളിൽ ഇത് വീണ്ടും തീവ്ര ന്യൂനമർദ്ദമായി രൂപാന്തരപ്പെടാൻ ഇടയുണ്ട്. ഇതേത്തുടർന്ന് കടലാക്രമണവും ശക്തമായ കാറ്റും പ്രതീക്ഷിക്കണം.
COMMENTS