താരിഫ് ഭീഷണി വഴിയാണ് ഇന്ത്യ-പാക് യുദ്ധം അവസാനിപ്പിച്ചത്, അതിലൂടെ അമേരിക്ക കോടികള്‍ സമ്പാദിക്കുകയും ചെയ്തു: ട്രംപ്

US President Donald Trump has reiterated his claim that he brokered a peace deal between neighbours India and Pakistan using his trade threats

വാഷിംഗ്ടണ്‍: തന്റെ വ്യാപാര ഭീഷണികള്‍ ഉപയോഗിച്ച് അയല്‍ക്കാരായ ഇന്ത്യയും പാകിസ്ഥാനും തമ്മില്‍ സമാധാനക്കരാര്‍ ഉണ്ടാക്കിയെടുത്തുവെന്ന അവകാശവാദം യുഎസ് പ്രസിഡന്റ് ഡൊണാള്‍ഡ് ട്രംപ്  ആവര്‍ത്തിച്ചു. 

ആണവായുധങ്ങളുള്ള ഈ രണ്ട് രാജ്യങ്ങളും ഈ വര്‍ഷം ആദ്യം നടന്ന സായുധ സംഘര്‍ഷത്തിനിടെ വെടിനിര്‍ത്തല്‍ കരാറിന് വഴങ്ങിയതിന് കാരണം തന്റെ വിവാദപരമായ താരിഫുകളാണ് എന്നും അദ്ദേഹം അവകാശപ്പെട്ടു. താരിഫുകള്‍ കാരണമാണ് അമേരിക്ക ഒരു സമാധാന ദാതാവായതെന്നും ഇത് അമേരിക്കയ്ക്കു 'നൂറുകണക്കിന് ബില്യണ്‍ ഡോളര്‍' നേടിക്കൊടുക്കുന്നുണ്ടെന്നും അദ്ദേഹം പറഞ്ഞു.

താരിഫുകളിലുള്ള തന്റെ നിലപാട് മാറ്റുമോ എന്ന ചോദ്യത്തിന് വൈറ്റ് ഹൗസില്‍ വച്ച് ട്രംപ് മാധ്യമപ്രവര്‍ത്തകരോട് ഇങ്ങനെ മറുപടി നല്‍കി: 'എനിക്ക് താരിഫുകളുടെ ശക്തി ഇല്ലായിരുന്നെങ്കില്‍, ഇപ്പോള്‍ ലോകത്ത് നടക്കുന്ന ഏഴ് യുദ്ധങ്ങളില്‍ കുറഞ്ഞത് നാലെണ്ണമെങ്കിലും തുടരുമായിരുന്നു.'

'ഇന്ത്യയിലേക്കും പാകിസ്ഥാനിലേക്കും നോക്കൂ, അവര്‍ പോരിന് തയ്യാറെടുക്കുകയായിരുന്നു. ഏഴ് വിമാനങ്ങള്‍ വെടിവെച്ചിട്ടു... ഞാന്‍ കൃത്യമായി എന്താണ് പറഞ്ഞതെന്ന് വെളിപ്പെടുത്തുന്നില്ല, പക്ഷെ ഞാന്‍ പറഞ്ഞത് വളരെ ഫലപ്രദമായിരുന്നു... നമ്മള്‍ നൂറുകണക്കിന് ബില്യണ്‍ ഡോളര്‍ സമ്പാദിച്ചുവെന്ന് മാത്രമല്ല, താരിഫുകള്‍ കാരണം നമ്മള്‍ ഒരു സമാധാന ദാതാവായി മാറുകയും ചെയ്തു.'

യുഎസ് പ്രസിഡന്റ് ഇത്തരമൊരു അവകാശവാദം ഉന്നയിക്കുന്നത് ഇത് ആദ്യമായല്ല. വാഷിംഗ്ടണിന്റെ മധ്യസ്ഥതയില്‍ നടന്ന 'നീണ്ട രാത്രിയിലെ' ചര്‍ച്ചകള്‍ക്ക് ശേഷം ഇന്ത്യയും പാകിസ്ഥാനും 'പൂര്‍ണ്ണവും ഉടനടിയുള്ളതുമായ' വെടിനിര്‍ത്തലിന് സമ്മതിച്ചുവെന്ന് ട്രംപ് മെയ് 10-ന് സോഷ്യല്‍ മീഡിയയിലാണ് ആദ്യം പറഞ്ഞത്. തുടര്‍ന്ന്, ന്യൂഡല്‍ഹിക്കും ഇസ്ലാമാബാദിനും ഇടയിലെ സംഘര്‍ഷങ്ങള്‍ 'പരിഹരിക്കാന്‍ സഹായിച്ചു' എന്ന അവകാശവാദം അദ്ദേഹം പലതവണ ആവര്‍ത്തിച്ചു.

ഇരു ഏഷ്യന്‍ രാജ്യങ്ങള്‍ക്കിടയിലും സമാധാനം സ്ഥാപിക്കുന്നതിനായി പ്രധാനമന്ത്രി നരേന്ദ്ര മോദിയെ താന്‍ വ്യാപാരം നിര്‍ത്തലാക്കുമെന്നും, ന്യൂഡല്‍ഹിക്ക് മേല്‍ ഉയര്‍ന്ന താരിഫ് ഏര്‍പ്പെടുത്തുമെന്നും ഭീഷണിപ്പെടുത്തി എന്നും ട്രംപ് അവകാശപ്പെട്ടിരുന്നു.

'ഞാന്‍ പറഞ്ഞു, 'ഞാന്‍ നിങ്ങളുമായി ഒരു വ്യാപാര കരാറിന് തയ്യാറല്ല... നിങ്ങള്‍ ആണവയുദ്ധത്തില്‍ കലാശിക്കാന്‍ പോകുകയാണ്...' ഞാന്‍ പറഞ്ഞു, 'നാളെ എന്നെ തിരികെ വിളിക്കൂ, പക്ഷേ ഞങ്ങള്‍ നിങ്ങളുമായി ഒരു കരാറും ഉണ്ടാക്കാന്‍ പോകുന്നില്ല, അല്ലെങ്കില്‍ നിങ്ങളുടെ തല കറങ്ങുന്നത്ര ഉയര്‍ന്ന താരിഫ് ഞങ്ങള്‍ ഏര്‍പ്പെടുത്തും,'' അദ്ദേഹം പറഞ്ഞു.

പ്രധാനമന്ത്രി മോദിയുമായി താന്‍ അഞ്ച് മണിക്കൂര്‍ സംസാരിച്ചതിന് ശേഷമാണ് ന്യൂഡല്‍ഹിയും ഇസ്ലാമാബാദും ഒരു സമാധാനക്കരാറില്‍ എത്തിയതെന്നും ട്രംപ് നേതാവ് കൂട്ടിച്ചേര്‍ത്തു.

എന്നാല്‍, പാകിസ്ഥാന്‍ സൈന്യത്തിലെ ഡയറക്ടര്‍ ജനറല്‍ ഒഫ് മിലിട്ടറി ഓപ്പറേഷന്‍സ് ഈ വിഷയത്തില്‍ നേരിട്ടുള്ള ചര്‍ച്ചകള്‍ക്കായി തന്റെ ഇന്ത്യന്‍ സൈനിക മേധാവിയുമായി ബന്ധപ്പെട്ടതിന് ശേഷമാണ് വെടിനിര്‍ത്തലിന് ഇന്ത്യ തയ്യാറായത്. ഇക്കാര്യം ഇന്ത്യ പറഞ്ഞതോടെ ട്രംപിന് ഹാലിളകുകയായിരുന്നു.

പാകിസ്ഥാന്‍ ആദ്യം ഈ അവകാശവാദം നിഷേധിച്ചെങ്കിലും, പിന്നീട് അത് അംഗീകരിക്കുകയും, 'സമീപകാല ഇന്ത്യ-പാക് പ്രതിസന്ധിയിലെ നിര്‍ണ്ണായക നയതന്ത്ര ഇടപെടലിനും പ്രധാന നേതൃത്വത്തിനും അംഗീകാരമായി' ട്രംപിനെ 2026-ലെ നോബല്‍ സമാധാന സമ്മാനത്തിനായി നാമനിര്‍ദ്ദേശം ചെയ്യുകയും ചെയ്തു.

Summary: US President Donald Trump has reiterated his claim that he brokered a peace deal between neighbours India and Pakistan using his trade threats.

He also claimed that his controversial tariffs were the reason why the two nuclear-armed neighbours agreed to a ceasefire during the armed conflict earlier this year. He further stated that tariffs made the United States a 'peacemaker' and are also earning the US 'hundreds of billions of dollars'.