തിരുവനന്തപുരം: വരാപ്പുഴയില് പൊലീസ് കസ്റ്റഡിയില് കൊല്ലപ്പെട്ട ശ്രീജിത്തിന്റെ ഭാര്യയ്ക്ക് സര്ക്കാര് ജോലിയും കുടുംബത്തിന് 10 ലക്ഷം രൂപ...
തിരുവനന്തപുരം: വരാപ്പുഴയില് പൊലീസ് കസ്റ്റഡിയില് കൊല്ലപ്പെട്ട ശ്രീജിത്തിന്റെ ഭാര്യയ്ക്ക് സര്ക്കാര് ജോലിയും കുടുംബത്തിന് 10 ലക്ഷം രൂപ ധനസഹായവും നല്കാന് ഇന്ന് ചേര്ന്ന മന്ത്രിസഭാ യോഗത്തില് തീരുമാനിച്ചു. ശ്രീജിത്ത് കൊല്ലപ്പെട്ടത് പൊലീസ് കസ്റ്റഡിയില് തന്നെയാണെന്ന് അന്വേഷണ സംഘത്തിന് ബോധ്യപ്പെടുകയും പ്രതികളെ അറസ്റ്റ് ചെയ്ത് കേസ് അന്വേഷണം മുന്നോട്ട് പോവുകയും ചെയ്യുന്ന സാഹചര്യത്തിലാണ് ഈ തീരുമാനം.
ഇന്നലെ ശ്രീജിത്തിന്റെ വീട് സന്ദര്ശിച്ച സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് ശ്രീജിത്തിന്റെ ഭാര്യയ്ക്ക് സര്ക്കാര് ജോലി നല്കണമെന്ന് ആവശ്യപ്പെട്ടിരുന്നു. ഇതിനായി വേണ്ട ഇടപെടല് പാര്ട്ടി സ്വീകരിക്കുമെന്നും കോടിയേരി പറഞ്ഞിരുന്നു. എന്നാല് മുഖ്യമന്ത്രിയോ മറ്റ് മന്ത്രിമാരോ ശ്രീജിത്തിന്റെ വീട് സന്ദര്ശിക്കാത്തത് ഏറെ വിവാദങ്ങള്ക്ക് വഴിവെച്ചിരുന്നു.
ശ്രീജിത്തിന്റെ മരണം സംബന്ധിച്ച കേസില് പറവൂര് സി.ഐ ക്രിസ്പിന് സാമിനെ ഇന്നലെ അറസ്റ്റ് ചെയ്തിരുന്നു. കേസില് അഞ്ചാം പ്രതിയാണ് സി.ഐ. അന്യായമായി തടങ്കലില് വെയ്ക്കല്, വ്യാജരേഖ ചമയ്ക്കല് എന്നീ കുറ്റങ്ങള് ചുമത്തിയാണ് ഇയാളെ അറസ്റ്റ് ചെയ്തിരിക്കുന്നത്. പ്രതിയെ ഇന്ന് കോടതിയില് ഹാജരാക്കും.
COMMENTS