Search

റേഡിയോ ജോക്കി രാജേഷിന്റെ കൊലപാതകം: ഒരാള്‍ അറസ്റ്റില്‍


കൊല്ലം: റേഡിയോ ജോക്കി രാജേഷിന്റെ കൊലപാതകത്തില്‍ കൊല്ലം സ്വദേശി സനുവിനെ പ്രത്യേകസംഘം അറസ്റ്റ് ചെയ്തു. ഈകേസിലെ ആദ്യ അറസ്റ്റാണിത്. ഇയാളുടെ വീട്ടിലായിരുന്നു രാജേഷിനെ കൊലചെയ്ത ക്വട്ടേഷന്‍ സംഘം താമസിച്ചിരുന്നത്. ക്വട്ടേഷന്‍ സംഘത്തിലെ അപ്പുണ്ണിയുടെ സുഹൃത്താണ് സനു. കൊലപാതകത്തിനു മുമ്പും ശേഷവും പ്രതികള്‍ സനുവിന്റെ വീട്ടില്‍ താമസിച്ചു. വാട്‌സ് ആപ്പ് ഗ്രൂപ്പ് വഴിയാണ് പ്രതികള്‍ സനുവിനെ പരിചയപ്പെട്ടത്. ഗൂഡാലോചനയിലും പ്രതികളെ സഹായിച്ചതിനുമാണ് ഇയാളെ അറസ്റ്റ് ചെയ്തത്. കൊലപാതകത്തെ കുറിച്ച് സനുവിന് വ്യക്തമായി അറിവുണ്ടായിരുന്നതായി പൊലീസ് അറിയിച്ചു.

രാജേഷിനെ കൊലപ്പെടുത്താന്‍ ക്വട്ടേഷന്‍ നല്‍കിയത് ഗള്‍ഫില്‍ നിന്നാണെന്ന് നേരത്തെ പൊലീസ് കണ്ടെത്തിയിരുന്നു. വിദേശത്തുള്ള യുവതിയുമായുള്ള ബന്ധമാണ് കൊലപാതകത്തിന് പ്രേരിപ്പിച്ചത്. വളരെ ആസൂത്രിതമായി നടത്തിയ കൊലപാതകമാണിതെന്നാണ് പൊലീസ് പറയുന്നത്.

ക്വട്ടേഷന്‍ നല്‍കിയ ആളും  കൊലയാളി സംഘവും ബന്ധപ്പെട്ടത് വാട്‌സാപ്പിലൂടെയാണ്. കൊലപാതകത്തിന് മുമ്പും ശേഷവും പ്രതികളെന്ന് സംശയിക്കുന്നവര്‍ മറ്റുള്ളവരുമായി ഫോണില്‍ സംസാരിച്ചിട്ടല്ല. ക്വട്ടേഷന്‍ നല്‍കിയ ആളുമായി വാട്‌സ് ആപ്പു വഴി സംസാരിച്ചിരിക്കാനാണ് സാധ്യതയെന്നാണ് പൊലിസ് പറയുന്നത്.

കായംകുളം കേന്ദ്രീകരിച്ചുള്ള ക്വട്ടേഷന്‍ സംഘത്തില്‍ പെട്ട മൂന്നു പേരെ കുറിച്ച്  വ്യക്തമായ സൂചന പൊലീസിന് ലഭിച്ചു. കൊലപാതക സംഘം സഞ്ചരിച്ച കാറ്  വാടകയ്‌ക്കെടുത്ത വ്യക്തിയുമായി അടുപ്പമുള്ള  രണ്ടു പേരെ കുറിച്ചാണ് വ്യക്തമായ വിവരമുള്ളത്. എന്നാല്‍ കൊലപാതക സംഘത്തില്‍ നാലു പേരുണ്ടെന്നാണ് ദൃക്‌സാക്ഷി മൊഴി. ഇതാണ് പൊലീസിനെ കുഴപ്പത്തിലാക്കുന്നത്.



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “റേഡിയോ ജോക്കി രാജേഷിന്റെ കൊലപാതകം: ഒരാള്‍ അറസ്റ്റില്‍