Search

മാണിയുടെ വോട്ട് സ്വീകരിക്കുമെന്ന് സജി ചെറിയാന്‍, വേണ്ടെന്ന് കാനം; ചെങ്ങന്നൂരില്‍ ഇടതു 'വൈരുദ്ധ്യാത്മകത'

തിരുവനന്തപുരം: ചെങ്ങന്നൂര്‍ ഉപതിരഞ്ഞെടുപ്പില്‍ കോണ്‍ഗ്രസിന്റെ വോട്ട് സ്വീകരിക്കുമെന്ന് സ്ഥാനാര്‍ത്ഥി സജി ചെറിയാന്‍. എന്നാല്‍, മാണിയുടെ സഹായം ആവശ്യമില്ലെന്ന് തുറന്നടിച്ച് സിപിഐ സംസ്ഥാന സെക്രട്ടറി കാനം രാജേന്ദ്രന്‍ തുറന്നടിച്ചു.

ചെങ്ങന്നൂരില്‍ ഉറപ്പായും ജയിക്കുമെന്നും കേരള കോണ്‍ഗ്രസിന്റെ വോട്ട് സ്വീകരിക്കുമെന്നുമാണ് എല്‍ഡിഎഫ് സ്ഥാനാര്‍ത്ഥി സജി ചെറിയാന്‍ പറഞ്ഞത്.

ചെങ്ങന്നൂരില്‍ കേരള കോണ്‍ഗ്രസിന്റെ സഹായം ആവശ്യമില്ലെന്നാണ് കാനം രാജേന്ദ്രന്‍ കൊല്ലത്ത് പറഞ്ഞത്. മാണിയുടെ സഹായമില്ലാതെയാണ് കഴിഞ്ഞ തവണ ചെങ്ങന്നൂരില്‍ എല്‍ഡിഎഫ് സ്ഥാനാര്‍ത്ഥി ജയിച്ചത്. അത് ഇത്തവണയും അങ്ങനെ തന്നെയായിരിക്കും.


യുഡിഎഫില്‍ നിന്ന് പിണങ്ങിവരുന്നവരെയെല്ലാം എടുക്കാനിരിക്കുകയല്ല എല്‍ഡിഎഫ് എന്നും കാനം പറഞ്ഞു.

ചെങ്ങന്നൂര്‍ ഉപതിരഞ്ഞെടുപ്പിന്റെ തീയതി പ്രഖ്യാപിച്ചതിനു പിന്നാലെയാണ് കാനത്തിന്റെ പ്രസ്താവന. കേരള കോണ്‍ഗ്രസ് മാണി വിഭാഗം എല്‍ഡിഎഫില്‍ വരുന്നതിനെ എതിര്‍ത്ത് നേരത്തെയും കാനം പ്രസ്താവന നടത്തിയിട്ടുണ്ട്.

ഇതോടെ ചെങ്ങന്നൂര്‍ ഉപതിരഞ്ഞെടുപ്പുമായി ബന്ധപ്പെട്ട് എല്‍ഡിഎഫിലെ രണ്ടു പ്രമുഖ കക്ഷികളുടെ നിലപാടിലെ വൈരുദ്ധ്യം മറനീക്കി പുറത്തുവന്നിരിക്കുകയാണ്. അതിനിടെ ത്രികോണമത്സരം നടക്കുന്ന ചെങ്ങന്നൂരില്‍ മാണി ഇതുവരെ നിലപാട് വ്യക്തമാക്കിയിട്ടില്ല.


കഴിഞ്ഞ തിരഞ്ഞെടുപ്പില്‍ ബിജെപി വോട്ടുനില മെച്ചപ്പെടുത്തിയ മണ്ഡലങ്ങളിലൊന്നാണ് ചെങ്ങന്നൂര്‍. കഴിഞ്ഞ തിരഞ്ഞെടുപ്പില്‍ മത്സരിച്ച ശ്രീധരന്‍പിള്ള തന്നെയാണ് ഇക്കുറി ബിജെപിയുടെ സ്ഥാനാര്‍ത്ഥി.


Highlignt: Chengannur by election, difference of opinion between CPM amd CPI on K.M. Mani alliance.




vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ മാണിയുടെ വോട്ട് സ്വീകരിക്കുമെന്ന് സജി ചെറിയാന്‍, വേണ്ടെന്ന് കാനം; ചെങ്ങന്നൂരില്‍ ഇടതു 'വൈരുദ്ധ്യാത്മകത'