തിരുവനന്തപുരം: ലോക വനിതാ ദിനത്തിന്റെ ഭാഗമായി വ്യത്യസ്ഥമായ ഒരു ഉത്തരവുമായി മനുഷ്യാവകാശ കമ്മീഷന് രംഗത്തെത്തി. സിനിമയില് സ്ത്രീകള്ക്ക് ന...
തിരുവനന്തപുരം: ലോക വനിതാ ദിനത്തിന്റെ ഭാഗമായി വ്യത്യസ്ഥമായ ഒരു ഉത്തരവുമായി മനുഷ്യാവകാശ കമ്മീഷന് രംഗത്തെത്തി. സിനിമയില് സ്ത്രീകള്ക്ക് നേരെയുള്ള അതിക്രമങ്ങള്ക്കെതിരെയാണ് പുതിയ ഉത്തരവ്. സിനിമയില് മദ്യപാനം പുകവലി എന്നിവ ആരോഗ്യത്തിനു ഹാനികരം എന്ന് പ്രദര്ശിപ്പിക്കാറുണ്ട്. അതുപോലെ ഇനി മുതല് സിനിമയില് സ്ത്രീകള്ക്ക് നേരെയുള്ള അതിക്രമങ്ങള് കാണിക്കുമ്പോള് സ്ത്രീകള്ക്ക് നേരെയുള്ള അതിക്രമം ശിക്ഷാര്ഹമെന്ന മുന്നറിയിപ്പ് നല്കണമെന്നാണ് മനുഷ്യാവകാശ കമ്മീഷന് ഉത്തരവിറക്കിയത്.
സംസ്ഥാനത്ത് സ്ത്രീകള്ക്ക് നേരെയുള്ള അതിക്രമങ്ങള് വര്ധിച്ചു വരുന്ന സാഹചര്യത്തില് സിനിമകള് അത്തരം രംഗങ്ങള് സംപ്രേക്ഷണം ചെയ്യുന്നത് സമൂഹത്തിനു തെറ്റായ സന്ദേശമാണ് നല്കുന്നതെന്ന് സംസ്ഥാന മനുഷ്യാവകാശ കമ്മീഷന് വ്യക്തമാക്കി. അതിനാലാണ് ഇങ്ങനെയൊരു ഉത്തരവിറക്കിയത്.
സംസ്ഥാന മനുഷ്യാവകാശ കമ്മീഷന് ആക്ടിംഗ് അദ്ധ്യക്ഷന് പി.മോഹന്ദാസാണ് ശ്രദ്ധേയമായ ഈ ഉത്തരവ് ഇറക്കിയത്. ഇത് സംബന്ധിച്ചു സംസ്ഥാന സാംസ്കാരിക വകുപ്പ് സെക്രട്ടറി ഉടന് വിശദീകരണം നല്കണമെന്നും കമ്മീഷന് ആവശ്യപ്പെട്ടു.
ഈ ഉത്തരവ് മുംബയിലെ കേന്ദ്ര വാര്ത്ത മന്ത്രാലയത്തിന്റെ കീഴിലുള്ള സെന്ട്രല് ബോര്ഡ് ഒഫ് ഫിലിം സര്ട്ടിഫിക്കേഷന്റെ ശ്രദ്ധയില് കൊണ്ടുവന്നു വേണ്ട നടപടികള് സ്വീകരിക്കുമെന്ന് ഫിലിം സര്ട്ടിഫിക്കേഷന് ബോര്ഡ് കമ്മീഷന് മറുപടി നല്കി.
സ്ത്രീകള്ക്ക് നേരെയുള്ള ആക്രമരംഗങ്ങള് പ്രദര്ശിപ്പിക്കുമ്പോള് മുന്നറിയിപ്പ് നല്കണമെന്ന് മനുഷ്യാവകാശ പ്രവര്ത്തകന് ഷെഫിന് കവടിയാര് നല്കിയ പരാതിയിലാണ് കമ്മീഷന് ഈ ഉത്തരവിറക്കിയത്.
COMMENTS