ന്യൂഡല്‍ഹി: അടുത്തമാസം ഒന്ന് മുതല്‍ കേരളത്തിന് പുറത്തേക്ക് ചരക്ക് കടത്തുന്നതിന് ഇവേ ബില്‍ നിര്‍ബന്ധമാക്കിക്കൊണ്ട് ജിഎസ്ടി കൗണ്‍സിലിന്റെ...
ജിഎസ്ടി നടപ്പിലാക്കിയപ്പോള്‍ 50,000 രൂപയ്ക്ക് മുകളിലുള്ള ചരക്ക് നീക്കം പരിശോധിക്കാന്‍ ചെക്‌പോസ്റ്റുകള്‍ക്ക് പകരം ഏര്‍പ്പെടുത്തിയ ഇവേ ബില്‍ നാല് ഘട്ടങ്ങളിലായി രാജ്യവ്യാപകമായി നടപ്പിലാക്കാനാണ് ജിഎസ്ടി കൗണ്‍സിലിന്റെ തീരുമാനം. ആദ്യഘട്ടത്തില്‍ കേരളവുമുണ്ട്. തീവണ്ടികളില്‍ പാഴ്‌സല്‍ കടത്തുന്നതിലെ നികുതി വെട്ടിപ്പ് തടയാന്‍ ചരക്ക് കൈപ്പറ്റുന്നവരും ഇനി മുതല്‍ ഇവേ ബില്‍ ഹാജരാക്കണം. റെയില്‍വേ സ്റ്റേഷനുകളില്‍ പരിശോധനയ്ക്ക് സംസ്ഥാനങ്ങള്‍ക്ക് പ്രത്യേക സംവിധാനം ഏര്‍പ്പെടുത്തണമെന്നായിരുന്നു കേരളത്തിന്റെ ആവശ്യം.
മൂന്നുമാസത്തിലൊരിക്കല്‍ ജിഎസ്ടി റിട്ടേണ്‍ നല്‍കുന്ന നിലവിലുള്ള രീതി തുടരും. റിട്ടേണ്‍ എളുപ്പത്തിലാക്കുന്നതിനുള്ള പുതിയ രീതി മൂന്ന് മാസത്തിന് ശേഷം തീരുമാനിക്കും. ജിഎസ്ടിയില്‍ നിന്ന് കിട്ടുന്ന പണം കേന്ദ്രം ധനക്കമ്മി നികത്താന്‍ ഉപയോഗിക്കുന്നുവെന്ന് ധനമന്ത്രി തോമസ് ഐസക് വിമര്‍ശിച്ചു. റിട്ടേണ്‍ കണക്ക് സംസ്ഥാനങ്ങള്‍ക്ക് നല്‍കണമെന്ന കേരളത്തിന്റെ ആവശ്യം കൗണ്‍സില്‍ യോഗം അംഗീകരിച്ചു. കയറ്റുമതി ചെയ്യുന്നവര്‍ക്കുള്ള നികുതി ഇളവുകള്‍ ആറുമാസം കൂടി തുടരും
COMMENTS