Search

സംസ്ഥാനത്ത് വെടിക്കെട്ട് അപകടങ്ങള്‍ ഉണ്ടാവുകയാണെങ്കില്‍ മറുപടി പറയേണ്ടത് പൊലീസ്: ഡി.ജി.പി


കോഴിക്കോട്: വെടിക്കെട്ട് അപകടം ഉണ്ടാവുകയാണെങ്കില്‍ അതിന്റെ ഉത്തരവാദിത്തം പൊലീസിനായിരിക്കുമെന്ന് ഡി.ജി.പി വ്യക്തമാക്കി. അപകടമുണ്ടായാല്‍ ആദ്യം മറുപടി പറയേണ്ടി വരിക പൊലീസായിരിക്കുമെന്നും വെടിക്കെട്ട് നടത്താന്‍ അനുമതിയില്ലാത്തവര്‍ക്ക് ആരുടെയും സമ്മര്‍ദ്ദത്തിന് വഴങ്ങി വെടിക്കെട്ടിന്  അനുമതി നല്‍കരുതെന്നും ഡി.ജി.പി പുറത്തിറക്കിയ സര്‍ക്കുലറില്‍ നിര്‍ദ്ദേശിക്കുന്നു.

ഉത്സവ സീസണ്‍ ആയതോടുകൂടിയാണ് ഡി.ജി.പി കര്‍ശന നിലപാടുകളുമായി സര്‍ക്കുലര്‍ ഇറക്കിയിരിക്കുന്നത്. വെടിക്കെട്ടപകടങ്ങളില്‍ ജില്ലാ ഭരണ കൂടമാണോ പോലീസാണോ മറുപടി പറയേണ്ടതെന്ന ചോദ്യങ്ങള്‍ക്കിടെയാണ് പോലീസാണ് ആദ്യം ഉത്തരം നല്‍കേണ്ടതെന്ന് ഡി.ജി.പി വ്യക്തമാക്കുന്നത്.

പാരമ്പര്യത്തിന്റെ പേരിലോ മറ്റ് ഏതെങ്കിലും സമ്മര്‍ദ്ദങ്ങള്‍ക്ക് വഴിപ്പെട്ടോ വെടിക്കെട്ടിന് അനുമതി നല്‍കരുത്, ഇടുങ്ങിയ ഇടങ്ങളില്‍ വെടിക്കെട്ട് നടത്താന്‍ അനുവദിക്കരുത്, സാംപിളുകള്‍ നേരത്തെ ശേഖരിച്ച് എറണാകുളത്തെ റീജിയണല്‍ കെമിക്കല്‍ ലാബില്‍ പരിശോധന നടത്തി പൊട്ടാസ്യം ക്ലോറേറ്റ് പോലെ മാരക പ്രഹരശേഷിയുള്ള രാസവസ്തുക്കള്‍ ഉപയോഗിക്കുന്നില്ലെന്നും ചീഫ് കണ്‍ട്രോളര്‍ ഓഫ് എക്‌സ്‌പ്ലോസീവിന്റെ അംഗീകാരം നേടിയ സ്‌ഫോടക വസ്തുക്കളേ ഉപയോഗിക്കുന്നുള്ളൂവെന്നും
ഉറപ്പ് വരുത്തണം, വെടിക്കെട്ട് നടക്കുന്ന സ്ഥലവും, സ്‌ഫോടക വസ്തുശേഖരിക്കുന്ന ഇടവും തമ്മില്‍ ഗണ്യമായ അകലമുണ്ടെന്ന് ഉറപ്പ് വരുത്തണം. വിദഗ്ധരായ തൊഴിലാളികളെ മാത്രമേ കരിമരുന്ന് പ്രകടനം നടത്താന്‍ അനുവദിക്കാവൂ. കാണികളെ നിയന്ത്രിക്കാനും കഴിയണം. പൊലീസിന്റെ നിര്‍ദ്ദേശങ്ങള്‍ പാലിക്കാത്തവര്‍ക്കെതിരെ കര്‍ശന നിയമ നടപടിയെടുക്കണം. തുടങ്ങി കര്‍ശനമായ നിര്‍ദ്ദേശങ്ങളാണ് സര്‍ക്കുലറില്‍ പറഞ്ഞിട്ടുള്ളത്.

പൊലീസ് ഉദ്യോഗസ്ഥരുടെ ഭാഗത്ത് വീഴ്ച സംഭവിച്ചാല്‍ റാങ്ക് ഏതെന്ന് നോക്കാതെ നടപടിയെടുക്കുമെന്ന താക്കീതും ഡി.ജി.പി  നല്‍കുന്നുണ്ട്.



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ സംസ്ഥാനത്ത് വെടിക്കെട്ട് അപകടങ്ങള്‍ ഉണ്ടാവുകയാണെങ്കില്‍ മറുപടി പറയേണ്ടത് പൊലീസ്: ഡി.ജി.പി