Search

ഐ.എം.എയുടെ ആശുപത്രി മാലിന്യസംസ്‌കരണ പഌന്റ് തുടങ്ങാന്‍ എല്ലാവരും സഹകരിക്കണം: ആരോഗ്യമന്ത്രി കെ.കെ.ശൈലജ



തിരുവനന്തപുരം:  ഐ.എം.എയുടെ ആശുപത്രി മാലിന്യസംസ്‌കരണ പഌന്റ് തുടങ്ങാന്‍ എല്ലാവരും സഹകരിക്കണമെന്ന് ആരോഗ്യമന്ത്രി കെ.കെ.ശൈലജ പറഞ്ഞു. ആശുപത്രി മാലിന്യം സംസ്‌കരിക്കാന്‍ വേറെ വഴിയില്ലെന്ന് മന്ത്രി പറഞ്ഞു.

വനം മന്ത്രി കൂടി പങ്കെടുത്ത യോഗത്തില്‍ പഌന്റിന് അനുമതി നല്‍കിയതാണെന്ന് മന്ത്രി പറഞ്ഞു. എന്നാല്‍ ഐ.എം.എയുടെ ആശുപത്രി മാലിന്യസംസ്‌കരണ പഌന്റ് പദ്ധതിക്കെതിരെ പ്രതിഷേധം ശക്തമായതിനാല്‍ പദ്ധതി തുടങ്ങാന്‍ ഉദ്ദേശിക്കന്ന സ്ഥലം ജില്ലാ കളക്ടര്‍ ഇന്ന് സന്ദര്‍ശിക്കും.

ഇതിനിടെ സ്ഥലം എം.എല്‍.എ ഡി.കെ.മുരളി മാലിന്യസംസ്‌കരണ പഌന്റിനെതിരെ രംഗത്തുവന്നു. മാലിന്യസംസ്‌കരണ പഌന്റിന് ഈ സ്ഥലം അനുയോജ്യമല്ലെന്ന് എം.എല്‍.എ പറഞ്ഞു. ഇക്കാര്യം സര്‍ക്കാരിനെ അറിയിക്കുമെന്നും അദ്ദേഹം പറഞ്ഞു.

ഡോക്ടര്‍മാരുടെ സമരത്തിനിടെ രോഗിക്ക് ചികിത്സ ലഭിക്കാതിരുന്ന സാഹചര്യത്തെക്കുറിച്ച് അന്വേഷിക്കുമെന്ന് മന്ത്രി പറഞ്ഞു. തനിക്കെതിരെ ഉയരുന്ന കണ്ണട വിവാദത്തില്‍ തെറ്റായി ഒന്നും ചെയ്തിട്ടില്ലെന്നും മന്ത്രി വ്യക്തമാക്കി. തനിക്ക് അവകാശപ്പെട്ട റീഇമ്പേഴ്‌സ്‌മെന്റ് മാത്രമാണ് കൈപ്പറ്റിയതെന്നും മന്ത്രി പറഞ്ഞു.



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ ഐ.എം.എയുടെ ആശുപത്രി മാലിന്യസംസ്‌കരണ പഌന്റ് തുടങ്ങാന്‍ എല്ലാവരും സഹകരിക്കണം: ആരോഗ്യമന്ത്രി കെ.കെ.ശൈലജ