BREAKING NEWS
Search

യുഎഇയിലെ ഫുജൈറയില്‍ കനത്ത മഴ, മലയാളി വിദ്യാര്‍ത്ഥി ഒഴുക്കില്‍പ്പെട്ട് കാണാതായി

ഫുജൈറ: യുഎഇയിലെ ഫുജൈറയില്‍ കനത്ത മഴ തുടരുന്നതിനിടെ ഒഴുക്കില്‍പ്പെട്ട് മലയാളി വിദ്യാര്‍ത്ഥിയെ കാണാതായി.

പിറവം സ്വദേശി ജോയിയുടെ മകന്‍ ആല്‍ബേര്‍ട്ടി(18)നെയാണ് കാണാതായത്. റാസല്‍ഖൈമ ബിര്‍ള ഇന്‍സ്റ്റിറ്റ്യൂട്ടിലെ എന്‍ജിനീയറിങ്ങ് വിദ്യാര്‍ത്ഥിയാണ് ആല്‍ബേര്‍ട്ട്.

ഫുജൈറയിലെ നദ്ഹ വാദിയില്‍ കുളിക്കാനിറങ്ങിയതാണ് ആല്‍ബേര്‍ട്ടും സുഹൃത്തുക്കളും. മലനിരകളില്‍ നിന്ന് വെള്ളം കുത്തിയൊഴുകിയെത്തിയപ്പോള്‍ വാഹനത്തില്‍ കയറി രക്ഷപ്പെടാന്‍ ശ്രമിച്ചു. എന്നാല്‍, വാഹനത്തോടൊപ്പം ഒഴുക്കിപ്പെടുകയായിരുന്നു. കൂടെയുണ്ടായിരുന്ന സുഹൃത്തുക്കള്‍ അത്ഭുതകരമായി രക്ഷപ്പെട്ടു.

അബുദാബി പൊലീസ് നടത്തിയ തിരച്ചിലില്‍ വാഹനം കണ്ടെത്തിയെങ്കിലും ആല്‍ബര്‍ട്ടിനെ കണ്ടെത്താന്‍ സാധിച്ചില്ല. പൊലീസും റാസല്‍ഖൈമയിലെ മലയാളി സംഘടനകളും രക്ഷാപ്രവര്‍ത്തനത്തില്‍ പങ്കെടുത്തു.

കനത്ത മഴയെ തുടര്‍ന്ന് മേഖലയിലെ ജനജീവിതം താറുമാറായി. റോഡ് ഗതാഗതം തകിടം മറിഞ്ഞു. ഒരു ദിവസം കൂടി മഴ തുടരുമെന്നാണ് കാലാവസ്ഥാനിരീക്ഷണകേന്ദ്രത്തിന്റെ മുന്നറിയിപ്പ്.


Keywords: UAE, heavy rain, missing, malayali student



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ യുഎഇയിലെ ഫുജൈറയില്‍ കനത്ത മഴ, മലയാളി വിദ്യാര്‍ത്ഥി ഒഴുക്കില്‍പ്പെട്ട് കാണാതായി