BREAKING NEWS
Search

ആധുനികോത്തരന്‍ അഥവാ ഉഭയജീവി

 വിജയകുമാര്‍ കുനിശേ്ശരി

എന്റെ ആധുനികത
ഉത്തരത്തില്‍ തൂങ്ങിച്ചാവുന്നു
എന്റെ ഉത്തരം
ആധുനികത്തെ കൊലയ്ക്ക്‌കൊടുക്കുന്നു
ആധുനികത്തിനൊരപ്പനുണ്ട്
ഉത്തരത്തിനൊരമ്മയില്ല
ആധുനികമൊരു മരപ്പട്ടി
ഉത്തരമൊരു മരപ്പല്ലി
ഞാനൊരു സ്വയംഭൂ
വികടാവികടാധുനികോത്തരന്‍
ബീജാണ്ഡസംബന്ധരഹിത ജീവകന്‍
(തന്തതള്ളയില്ലാതുയിര്‍കൊണ്ടവന്‍)
തള്ളത്തവളയായ് ഭവിച്ചവന്‍
പോക്കണം കെട്ടവന്‍
പോക്കാച്ചിത്തവളയായവന്‍
ഞാനൊരാംഫീബിയന്‍-
കള്ളെന്റെ കടല്‍ ; ഭള്ളെന്റെ കര
ആധുനികത്തിനെന്തുത്തരം
ഉത്തരത്തിലെന്താധുനികത
ആദിനുകം ചുമന്നു ചാവരുത്
ഉത്തരമുടക്കി വാവരുത്-
വികടനാവുക
വികടാധുനികനാവുക
വികടാധുനികോത്തരനാവുക
ആധുനികവികടോത്തരനാവുക
വികടോത്തരാധുനികനാവുക
വികടാവികടാധുനികോത്തരനാവുക-
സാഹിത്യവിടനാവുക!


TAG

vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “ആധുനികോത്തരന്‍ അഥവാ ഉഭയജീവി