ബിജെപിയെ നേരിടാന്‍ രാഹുലിന്റെ ഭഗവത് ഗീതാ പഠനം

ചെന്നൈ: ബിജെപിയെയും ആര്‍എസ്എസിനെയും നേരിടാന്‍ ഭഗവത് ഗീതയും ഉപനിഷത്തും പഠിക്കുകയാണെന്ന് വെളിപ്പെടുത്തി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന...

ചെന്നൈ: ബിജെപിയെയും ആര്‍എസ്എസിനെയും നേരിടാന്‍ ഭഗവത് ഗീതയും ഉപനിഷത്തും പഠിക്കുകയാണെന്ന് വെളിപ്പെടുത്തി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി.

കോണ്‍ഗ്രസ് പ്രവര്‍ത്തകരുടെ യോഗം ചെന്നൈയില്‍ അഭിസംബോധന ചെയ്തു സംസാരിക്കുകയായിരുന്നു രാഹുല്‍ ഗാന്ധി.

എല്ലാവരെയും ഒരേപോലെ കാണണമെന്നാണ് ഉപനിഷത്തുകള്‍ പറയുന്നത്. എന്നാല്‍, അതിനു പകരം ജനങ്ങളെ അടിച്ചമര്‍ത്തുകയാണ് ആര്‍എസ്എസ് ചെയ്യുന്നതെന്ന് രാഹുല്‍ ആരോപിച്ചു.

ഇന്ത്യയെ ശരിയായി മനസ്സിലാക്കാന്‍ ബിജെപിക്കു കഴിഞ്ഞിട്ടില്ല. ആര്‍എസ്എസ് ആസ്ഥാനത്തു നിന്നുള്ള നിര്‍ദ്ദേശങ്ങള്‍ മാത്രമാണ്  അവര്‍ക്കു മനസ്സിലാവുന്നത്.

പ്രധാനമന്ത്രി നരേന്ദ്ര മോദിയില്‍ നിന്നാണ് ഈ ലോകത്തിലെ എല്ലാ അറിവുകളും വരുന്നതെന്നാണ് ബിജെപിക്കാര്‍ കരുതുന്നതെന്ന് രാഹുല്‍ ഗാന്ധി കളിയാക്കി.

എല്ലാവര്‍ക്കും സ്വന്തം അഭിപ്രായങ്ങള്‍ പറയാനും വിയോജിപ്പു പ്രകടിപ്പിക്കാനുമുള്ള അവകാശമുണ്ട്. എന്നാല്‍, രാജ്യത്ത് ഒരേ ആശയം തന്നെ അടിച്ചേല്‍പ്പിക്കാനാണ് ബിജെപി ശ്രമിക്കുന്നതെന്ന് രാഹുല്‍ ആരോപിച്ചു.



Summary: Congress Vice-President Rahul Gandhi today said he was reading Upanishads and the Bhagwad Gita to take on the RSS and BJP. Gandhi, who has accused BJP-RSS of attempting to thrust one idea on the nation, said every individual, be it in Tamil Nadu or Uttar Pradesh, had a right to express dissent if they were aggrieved, and imposition of one idea was not acceptable.