ഡാര്ജിലിംഗ്: പശ്ചിമ ബംഗാളില് ഡാര്ജിലിംഗിലെ സിംഗ്മാരിയില് ഗൂര്ഖ ജന്മുക്തി മോര്ച്ച (ജിജെഎം) പ്രവര്ത്തകര് സംസ്ഥാന പൊലീസുമായും അര്...
ഡാര്ജിലിംഗ്: പശ്ചിമ ബംഗാളില് ഡാര്ജിലിംഗിലെ സിംഗ്മാരിയില് ഗൂര്ഖ ജന്മുക്തി മോര്ച്ച (ജിജെഎം) പ്രവര്ത്തകര് സംസ്ഥാന പൊലീസുമായും അര്ദ്ധസൈനിക വിഭാഗവുമായും നടത്തിയ ഏറ്റുമുട്ടലില് ഒരാള് കൊല്ലപ്പെടുകയും എട്ടു പൊലീസുകാര്ക്കു പരിക്കേല്ക്കുകയും ചെയ്തു.
ഡാര്ജിലിംഗ്, കളിംപോങ്, ജല്പായ്ഗുരി, അലിപൂര്ദാര് ജില്ലകളിലെ മലയോര മേഖലകളില് ജി.ജെ.എം തിങ്കളാഴ്ച മുതല് അനിശ്ചിതകാല സമരം പ്രഖ്യാപിച്ചു. സംസ്ഥാനത്തെ സ്കൂളുകളില് ബംഗാളി ഭാഷ നിര്ബന്ധമാക്കാനുള്ള മുഖ്യമന്ത്രി മമതാ ബാനര്ജിയുടെ തീരുമാനത്തിനെതിരെ പ്രതിഷേധം. മലയോര മേഖലകളില് ബംഗാളി നിര്ബന്ധമല്ലെന്നു മമത പറഞ്ഞുവെങ്കിലും പ്രതിഷേധക്കാര് അടങ്ങിയിട്ടില്ല.
ജിജെഎം പ്രവര്ത്തകര് പൊലീസിനു നേര്ക്ക് വെടിവച്ചതാണ് സംഘര്ഷം രൂക്ഷമാക്കിയത്. ജനം പൊലീസ് വാഹനങ്ങള് തീയിടുകയും ചെയ്തതു. തുടര്ന്നാണ് പൊലീസ് തിരിച്ചു വെടിവച്ചത്.
ഇന്ത്യന് റിസര്വ് ബറ്റാലിയന്റെ രണ്ടാം ബറ്റാലിയന് അസിസ്റ്റന്റ് കമാന്ഡറായ കിരണ് തമാംഗിനെ ജിജിഎം അനുയായികള് സിംഗ്മാരിയില് വച്ച് കൊലപ്പെടുത്തിയതായി നേരത്തെ റിപ്പോര്ട്ടുണ്ടായിരുന്നു. ഇതാണ് സംഘര്ഷം രൂക്ഷമാക്കിയത്. എന്നാല്, ഇദ്ദേഹം കൊല്ലപ്പെട്ടില്ലെന്നും ഏറ്റുമുട്ടലില് ഗുരുതരമായി പരിക്കേറ്റിട്ടേയുള്ളൂ എന്നും മുഖ്യമന്ത്രി മമതാ ബാനര്ജി പറഞ്ഞു.
ചൗക് ബസാര്, ലെബോംഗ്, സിങ്മാരി എന്നിവിടങ്ങളില് സംഘര്ഷം നിലനില്ക്കുകയാണ്. പീതംബാസില് നിന്ന് ജി.ജെ.എം തലവന് ബിമല് ഗുരുഗുങിന്റെ വീട് ആക്രമിച്ചതാണ് സംഘര്ഷത്തിലേക്കു നയിച്ചത്.
തൃണമൂല് കോണ്ഗ്രസ് പ്രവര്ത്തകരും ജിജെഎം പ്രവര്ത്തകരും തമ്മിലുള്ള ഏറ്റുമുട്ടലാണ് ഇപ്പോഴത്തെ കലാപത്തിലേക്കു നയിച്ചിരിക്കുന്നത്.
ജിജെഎം മാധ്യമ ഉപദേശകന് ബിക്രം റായിയെ പൊലീസ് അറസ്റ്റുചെയ്തതും സംഘര്ഷം രൂക്ഷമാക്കി. പാര്ട്ടി എം.എല്.എ അമല് റായിയുടെ മകനാണ് ബിക്രം റായി.
Riot in Darjeeling, one killed and eight policemen injured
Darjeeling: Clashes between Gorkha Janmukhi Morcha (GJM) activists and state police and paramilitary forces in West Bengal killed one person and wounded eight policemen in Darjeeling.
The GJM announced an indefinite strike from Monday in Darjeeling, in the hilly areas of Kalampong, Jalpaiguri and Aliporedar districts. Chief Minister Mamata Banerjee's decision to introduce compulsory education of Bengali language in schools in the state caused the tensions.
There are conflicts in Chowk Bazar, Lebanon and Singhmari. The attack led by GJM chief Bimal Gurung of Pandambas led to the violence.
The confrontation between Trinamool Congress activists and GJM activists has led to the present riots.
Tags: Riot in Darjeeling, one killed and eight policemen injured
Darjeeling: Gorkha Janmukhi Morcha , GJM, West Bengal , Darjeeling, Chief Minister Mamata Banerjee, Chowk Bazar, Lebanon , Singhmari, Bimal Gurung , Trinamool Congress, Riot
COMMENTS