കാണാതായ സുഖോയ് വിമാനത്തിലെ പൈലറ്റുമാരില്‍ ഒരാള്‍ കോഴിക്കോട് സ്വദേശി

ന്യൂഡല്‍ഹി: അരുണാചല്‍ പ്രദേശില്‍ കാണാതായ ഇന്ത്യയുടെ സുഖോയ് വിമാനത്തിലെ പൈലറ്റുമാരില്‍ ഒരാള്‍ കോഴിക്കോട് സ്വദേശി. പാന്തീരാങ്കാവ് പന്നിയൂര്...

ന്യൂഡല്‍ഹി: അരുണാചല്‍ പ്രദേശില്‍ കാണാതായ ഇന്ത്യയുടെ സുഖോയ് വിമാനത്തിലെ പൈലറ്റുമാരില്‍ ഒരാള്‍ കോഴിക്കോട് സ്വദേശി. പാന്തീരാങ്കാവ് പന്നിയൂര്‍കുളം സ്വദേശി ഫ് ളൈറ്റ് ലഫ്റ്റനന്റ് അച്ചുദേവ് (25) ആണ് വിമാനത്തിലെ രണ്ടു പൈലറ്റുമാരില്‍ ഒരാള്‍.

ചൈനാ അതിര്‍ത്തിക്കു സമീപം വനപ്രദേശത്താണ് കഴിഞ്ഞ ദിവസം വിമാനം അപ്രത്യക്ഷമായത്. കാണാതായ വിമാനം കണ്ടെത്താനുള്ള ശ്രമത്തിലാണ് സൈന്യം.

പരിശീലനപ്പറക്കലിനിടെ ചൊവ്വാഴ്ച രാവിലെയാണ് വിമാനം കാണാതായത്. തേസ്പുര്‍ വ്യോമതാവളത്തില്‍ നിന്ന് 60 കിലോമീറ്റര്‍ അകലെയുള്ള ബിശ്വാനാഥ് ജില്ലയിലെ ദുബിയ്ക്കു മുകളില്‍ വച്ചാണ് വിമാനത്തിന്റെ അവസാന സിഗ്നല്‍ കിട്ടിയത്.

വിമാനം കണ്ടെത്താനായി വേയാമസേനയുടെ നാലു സംഘങ്ങളും കരസേനയുടെ ഒമ്പതു സംഘങ്ങളും തിരച്ചില്‍ നടത്തുന്നുണ്ട്.

പന്നിയൂര്‍കുളം വള്ളിക്കുന്നം സഹദേവന്റെയും ജയയശ്രീയുടെയും മകനാണ് അച്ചുദേവ. കുടുംബം ഇപ്പോള്‍ തിരുവനന്തപുരം ശ്രീകാര്യത്താണ് താമസിക്കുന്നത്.


Summary: An Indian Air Force Sukhoi-30MKI jet went missing today after taking off from the Tezpur base camp in Assam, sources said. According to official sources, the Su-30MKI aircraft took off from Tezpur today on a routine training mission but lost radar and radio contact around 60 km north of Tezpur.