BREAKING NEWS
Search

കഴിവുളള സംവിധായകരില്ല, മലയാള സിനിമ മരണമുഖത്ത്: ഫാസില്‍


മലയാള സിനിമ മരണമുഖത്താണെന്ന് മുതിര്‍ന്ന സംവിധായകന്‍ ഫാസില്‍ . അഭിനേതാക്കളെ താരങ്ങളാക്കാന്‍ ശേഷിയുളള സംവിധായകരുടെ അഭാവമാണ് മലയാള സിനിമ നേരിടുന്ന ഏറ്റവും വലിയ പ്രതിസന്ധിയെന്നും ഫാസില്‍ പറഞ്ഞു.

Fazilമലയാളത്തില്‍ ഇപ്പോഴിറങ്ങുന്ന ഒട്ടുമിക്ക ചിത്രങ്ങളും തിയേറ്ററുകളില്‍ പ്രദര്‍ശിപ്പിക്കുന്നത് വിരലിലെണ്ണാവുന്ന ദിവസങ്ങള്‍ മാത്രമാണ്. ഈഗതി തുടര്‍ന്നാല്‍ മലയാള സിനിമാ വ്യവസായം തകര്‍ന്നടിയും. മമ്മൂട്ടിയും മോഹന്‍ലാലുമൊക്കെ സൂപ്പര്‍താരങ്ങളായത് മികച്ച സംവിധായകരുടെയും തിരക്കഥാകൃത്തുക്കളുടെയും പിന്‍ബലത്തോടെയാണ്. എന്നാലിന്ന് അഭിനേതാക്കളെ താരങ്ങളാക്കാന്‍ ശേഷിയുളള സംവിധായകര്‍ മലയാളത്തിലില്ല- ഫാസില്‍ വ്യക്തമാക്കുന്നു.

തകര്‍ച്ചയുടെ നൂല്‍പ്പാലത്തിലൂടെയാണ് മലയാള സിനിമ സഞ്ചരിക്കുന്നത്. നൂറ്റിനാല്‍പതോളം സിനിമകളാണ് ഓരോ വര്‍ഷവും തിയേറ്ററുകളിലെത്തുന്നത്. ഇതില്‍ ഇരുപതോളം ചിത്രങ്ങള്‍ മാത്രമേ വിജയിക്കുന്നുളളൂ. ഇങ്ങനെ തുടര്‍ന്നാല്‍ നടീനടന്‍മാരെയും സിനിമയെ ആശ്രയിച്ച് ജീവിക്കുന്ന മറ്റുളളവരെയും ജീവിതം പ്രതിസന്ധിയിലാക്കും. ബിഗ്ബജറ്റ് ചിത്രങ്ങളുടെ അവസ്ഥപോലും പരിതാപകരമാണ്. ഇതിനിടെയിലും ചില നല്ല സിനിമകള്‍ പുറത്തിറങ്ങുന്നുണ്ട്. അതുമാത്രമാണ് ആശ്വാസം.

നല്ല സിനിമകള്‍ എല്ലാക്കാലത്തും പ്രേക്ഷകര്‍ സ്വീകരിക്കും. ഡയമണ്ട് നെക്ലേസ്, ഉസ്താദ് ഹോട്ടല്‍ , തട്ടത്തിന്‍ മറയത്ത് തുടങ്ങിയ ചിത്രങ്ങള്‍ ഇതിന് ഉദാഹരണങ്ങളാണ്. പ്രാപ്തിയുളള സംവിധായകരും തിരക്കഥാകൃത്തുക്കളും ഇല്ലാത്തതാണ് മലയാള സിനിമ നേരിടുന്ന വെല്ലുവിളി.

കുറച്ചുനാളായി താന്‍ മാറിനിന്ന് സിനിമ നരീക്ഷിക്കുകയാണ്. ഇപ്പോഴും ുടുംബ ബന്ധങ്ങള്‍ക്ക് പ്രാധാന്യം നല്‍കുന്നവരാണ് മലയാളികള്‍ . അത് മറന്നുളള സിനിമകള്‍ പ്രേക്ഷകര്‍ സ്വീകരിക്കില്ല. ഇപ്പോഴത്തെ മാറ്റങ്ങള്‍ എനിക്ക് മനസ്സിലായി. ഒന്നുരണ്ട് കഥകള്‍ മനസ്സിലുണ്ടെങ്കിലും ഇപ്പോള്‍ സിനിമ ചെയ്യേണ്ടെന്ന് തീരുമാനിക്കുകയായിരുന്നു. എങ്കിലും ഏറെ താമസിയാതെ പുതിയ ചിത്രം പ്രതീക്ഷിക്കാമെന്നും ഫാസില്‍ പറഞ്ഞു.



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “കഴിവുളള സംവിധായകരില്ല, മലയാള സിനിമ മരണമുഖത്ത്: ഫാസില്‍