BREAKING NEWS
Search

എല്ലുറപ്പിന് ഭക്ഷണം


ശരീരത്തിലെ അസ്ഥികള്‍ക്ക് ബലം നല്‍കുന്നത് കാത്സ്യം, ഫോസ്ഫറസ് തുടങ്ങിയ മൂലകങ്ങളുടെ സാന്നിധ്യമാണ്. ഈ മൂലകങ്ങള്‍ തുടര്‍ച്ചയായി അസ്ഥികളില്‍ നിക്ഷേപിക്കപ്പെടുന്നതിനൊപ്പം ശരീരത്തില്‍ നടക്കുന്ന വിവിധ പ്രവര്‍ത്തനങ്ങളുടെ ഫലമായി നീക്കം ചെയ്യപ്പെടുകയും ചെയ്യുന്നു.

25 മുതല്‍ 30 വയസ്സുവരെ ഈ മൂലകങ്ങളുടെ നിക്ഷേപം നീക്കം ചെയ്യുന്നതിനേക്കാള്‍ അധികമായിരിക്കും. ഈ കാലഘട്ടത്തിനു ശേഷം നീക്കം ചെയ്യപ്പെടുന്നതിന്റെ തോത് കൂടുകയും എല്ലുകള്‍ക്ക് ബലം കുറയുകയും ചെയ്യുന്നു. ഈ അവസ്ഥയെ ഒസ്റ്റിയോ പൊറോസിസ് എന്നു പറയുന്നു.

25-30 വയസ്സില്‍ മൂലകങ്ങളുടെ നിക്ഷേപം പരമാവധി ഉണ്ടാകുകയാണെങ്കില്‍ വാര്‍ദ്ധക്യത്തിലെ അസ്ഥിക്ഷയം ഒരു പരിധിവരെ കുറയ്ക്കാന്‍ സാധിക്കും.

ഇതിനായി കുട്ടിക്കാലം മുതല്‍ ആരോഗ്യകരമായ ഭക്ഷണശീലങ്ങള്‍ പിന്തുടരണം.

* കുട്ടികള്‍ക്ക് പ്രഭാതഭക്ഷണം നല്‍കണം.

* കാത്സ്യം അടങ്ങിയ ഭക്ഷണം കഴിക്കണം. പച്ചക്കറികള്‍, മുള്ളുള്ള മത്സ്യം, പാല്‍, മു്ട്ട എന്നിവ ഭക്ഷണത്തില്‍ ഉള്‍പ്പെടുത്തണം.
* കഴിക്കുന്ന ഭക്ഷണത്തില്‍ നിന്നും കാത്സ്യം സ്വീകരിക്കാനും നിലനിര്‍ത്താനും വിറ്റാമിന്‍ ഡി സഹായിക്കും. പാല്‍, ഓറഞ്ച്, ധാന്യങ്ങള്‍ എന്നിവയില്‍ വിറ്റാമിന്‍ ഡി ധാരാളമുണ്ട്. സൂര്യപ്രകാശം ശരീരത്തിലെ വിറ്റാമിന്‍ ഡി ഉല്പാദനത്തെ സഹായിക്കും.

* വിറ്റാമിന്‍ കെ ശരീരത്തില്‍ നിന്നും കാത്സ്യം പുറന്തള്ളുന്നതിനെ തടയും. ഇലക്കറികള്‍, ഉള്ളി, ഒലിവ് ഓയില്‍, സോയാബീന്‍ എന്നിവ ഭക്ഷണത്തില്‍ ഉള്‍പ്പെടുത്തണം.

* ഉപ്പിന്റെ ഉപയോഗം പരമാവധി കുറയ്ക്കണം.

* പൊട്ടാസ്യം അടങ്ങിയ ഭക്ഷണം കൂടുതല്‍ കഴിക്കണം. മധുരക്കിഴങ്ങ്, വാഴപ്പഴം എന്നിവ കഴിക്കാം.

* ശീതളപാനീയങ്ങളുടെ ഉപയോഗം പരമാവധി കുറയ്ക്കണം.

* പതിവായി വ്യായാമം ചെയ്യണം.

Health, lifestyle, food, diet



vyganews

Vyga Online portals Private Limited, is the leading force behind the first Government accredited news prtal in Kerala, www. vyganews.com. The legendary Malayalam laureate Mr. MT Vasudevan Nair lead Vyganews.com to the cyber space on 2009 March 15.


0 thoughts on “എല്ലുറപ്പിന് ഭക്ഷണം